Esra 7:21 - Buka Blahi Ka Cheke Holo

²¹ “Iara King Atasekses, iara cheke faheta cheke igre ka nogu mae biꞌo iara te fiofilodi sileni gna provins ke mosu Khoꞌu biꞌo Iufretis. Unha Pris Esra mae velepuhi gna Vetula nogna God gna Kligna igne mei te tore gobigna lepo igre ka ghotilo na, ghotilo mala faghosei tusu lao glepo igre ka mana.

Esra 7:21 ပူးပေါင်းရင်းမြစ်များ

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Esra 4:16

Eghume king, ghehati magnahaghei te cheke ka iagho, jame teke loku fapulo namono igne balugna gringni gne, mare ginauna funei fruni ni provins igne ke mosugna Khoꞌu biꞌo Iufretis.” Me hui letas igne.

Esra 6:6

Aonu King Darius ne fatei nogna cheke tughu na ka mare, ne cheke eghu, “Ka iagho Tatenae, gavana gna provins ke mosu Khoꞌu biꞌo Iufretis, nei ka iagho Seta-Bosenae baludi keha mae biꞌo gna provins igne. Ghotilo au fadelei ka mare!

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Esra 7:1

Kmana finogha salaꞌu ke leghudi igre, King Atasekses neke funei fruni Pesia. Ka narane tuare, kaisei pris nanghagna na Esra. Mana karha mei ka vikegna mae pris biꞌo ululahu gna Israel. Vike igne eghu agne: Esra, Seraea, Asaraea, Hilkaea, Salum, Sadok, Ahitub, Amaraea, Asaraea, Meraeot, Serahaea, Usi, Buki, Abisua, Finehas, Eleasa, Eron mae ihei teke kulu mae pris biꞌo na.

Esra 7:22

Nabadi glepo te mala tusu lao ghotilo ka mana re eghu agne: Jame te tore silva mana na, ghotilo tusu lao ka mana thokeni thilo thogha fati gobi kilo. Jame te tore wit mana ka ghotilo na, ghotilo tusu lao ka mana thokeni nabotho nhana thogha thilo gobi kilo. Jame te tore waen ba oliv oel mana ka ghotilo na, ghotilo tusu lao ka mana thokeni phei thogha lita. Jame te tore tahi mana ka ghotilo na, ghotilo tusu lao nihai te magnahagheni mana na.

Esra 8:36

Aonu ghehati hata nogna letas king teke tusu mei ka ghehati igne ne tusu lao ka gavana nei hatimare nogna mae biꞌo king te au ka provins ke mosu Khoꞌu biꞌo Iufretis. Aonu mae biꞌo igre ne toghodi naiknore, eghuteuna mare ne togho ghami ghehati ka glokugna nogna Sugablahi God.

Nehemaea 2:7

Eghuteuna iara toreni mana mala tusu mei keha letas mala tusu lao iara ka gavana gna provins ke mosu Khoꞌu biꞌo Iufretis. Nogna letas king igne te mala snakreni mare te mala ruma iara ke lamnagna provins igne te mala ghilei tei posa iara ka nohi Juda.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Nodi Khoje Hatimare Mae Jiu 119:4

Lord God, iagho neke tusu meihi nou famane chekere ka ghehati, nei cheke ranghi ghamihi te mala leghudi u cheke igre.