Esra 7:17 - Buka Blahi Ka Cheke Holo

¹⁷ Iagho thosei koko tafri sileni igne, iagho mala foli buluka nalhaꞌudi nei sipu nalhaꞌudi nei sua sipu nei wit nei waen, mala fafara ke kligna olta ka nogna Sugablahi God na Jerusalem.

Esra 7:17 ပူးပေါင်းရင်းမြစ်များ

Jone 2:14

Ka glalabagna Sugablahi na, mae Jisas ne filodi naikno te sabiri buluka, sipu, nei balhu teure. Keha naiknore gnokro ka tevo re tutughu sileni neu.

Esra 7:18

“Jame salaꞌu teu keha silva nei gol teu ke leghugna te foli te gnafa iagho fafara igre na, iagho baludi nou vike na tangomana te hata te foli unha glepo te magnahaghedi ghotilo re, nu mala leghuni kolho gaoghathogna nomi God ghotilo na.

Profet Isaia 16:1

Ghotilo naiknomi Moab ra! Ghotilo iheire te rikha te tei au ka namono Sela ke lamna namono nagou Idom ra, ghotilo hata sua sipu tei ka thogele Jerusalem, mala tusu lao ka mana jateula namha eghu ka king, mae ihei te funei frunini kantri igne.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Esra 6:12

God neke vahini Jerusalem mala jateula namono aheva te mala tarai nei tufru soruni nei kilo fnaknoni eghu nanghagna mana na. Eghuteuna mana thegna ngala nate koko soruni kaisei king ba kaisei kantri te fariuriu tuthughu nogu cheke iara na, ba fariuriu goigoni nogna Sugablahi God igne Jerusalem! “Iara King Darius te faꞌari cheke igne. Eghume ghotilo loku heta mala faꞌuveni cheke igne.”