Esra 7:13 - Buka Blahi Ka Cheke Holo

¹³ “Ka letas igne iara cheke faheta ka nogu mae ofisa iara ra. Cheke igne, jame ihei ka naiknodi Israel ra te magnahaghei jifla ka nogu kantri iara gne teke pulo Jerusalem balumu iagho na, mare tangomana te tei na. Neubane mae pris, ba mae Livaet, ba ihei ka vikegna Israel, mare keliu kolho teke pulo Jerusalem.

Esra 7:13 ပူးပေါင်းရင်းမြစ်များ

Esra 6:1

Aonu King Darius ne chekedi nogna sekretri re mala hironi nogna cheke King Saeras ka buka teke tathaji teku mare ka sugadi rekod gna namono Babilonia.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Nodi Khoje Hatimare Mae Jiu 148:6

Mana neke lisei sorudi ka vido te mala audi te tifa te tifa na. Nei mala thosei ke tughu vido.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Nogna Buka Esta 9:14

King ne eni unha te toreni Kuin Esta igne ne fatei cheke ka namono biꞌo Susa. Aonu nogna mae gloku king igre ne fagefe haghe thinidi nabotho thugna mae Haman gre mala filo naiknore.

Nogna Buka Esta 3:15

Aonu mae te mala hata nonomho igre mare ghosei ne hata ne tei nonomho igne ka namono biꞌo Susa, nei ka kantri te gnafa te funei frunidi king Sekses. Kate nomhini cheke igne, naikno te gnafa te au ka namono biꞌo Susa ne funu nanga nodi fara, naugna naiknore theome laseni te eni mare vetula igne. Nu King ghe mae Haman ne thofno keli tadi fara ka vetula igne ne kafe gnokro pari ne koꞌu waen ka narane igne.

Esra 5:13

“ ‘Neuba, ka finogha ululahu te funei fruni King Saeras Babilonia igne, king ne cheke faheta ka mae biꞌodi Jerusalem mala ke loku fapulo nogna Sugablahi God igne.

Esra 1:3

Iara toreni God gna Israel mala au baludi nogna naiknore. Ihei ka mare teke magnahaghei figri na, mare tangomana teke figri Jerusalem mala ke babana fapulo nogna Sugablahi Lord, nodi God mae Israel te tufru soruni mare Jerusalem.

Fapea Kronikols 30:5

Ka narane tuana, mare ne fatei cheke ka naikno te gnafa Israel, funu ka namono Bereseba ke mata Juda, tei posa ka namono Dan ke raru Israel. Mare ne kilo fodu meidi naiknore Jerusalem mala eni Gaghamu Ghasa-Polho igne. Eghuteuna khaputudi naikno teke mei ka narane igne salaꞌudi naikno teke mei ka keha narane tifeiro ra.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.