Esra 7:12 - Buka Blahi Ka Cheke Holo

¹² “Iara King Atasekses, mae ihei te king frunidi keha king te gnafa ka nauthoglu igne, “Iara tusu ari cheke igne ka iagho Pris Esra, iagho mae velepuhigna nogna vetula God gna kligna. “Iara kubae nigho.

Esra 7:12 ပူးပေါင်းရင်းမြစ်များ

Profet Daniel 2:37

King, iagho fnakno fara salaꞌudi keha king igre. God gna kligna igne neke vahi nigho iagho mala king neku, eghuteuna mana neke tusu ari ka iagho nolaghi.

Profet Esikiel 26:7

“Iara Lord God, iara cheke eghu: Ghotilo naiknomi Taea! Iara ginauna hata mei Nebukadnesa king gna Babilonia, mae ihei te haghe fara salaꞌudi keha mae king te gnafa igre mala mei magra ka ghotilo. Mana ginauna soru mei funugna ke raru balugna kaisei armi biꞌo, nei hose, nei chariot mala magra, nei soldia mala chari ka hose.

Esra 4:17

King riso tughuni letas igne ne cheke eghu: “Letas igne tei ka gavana Rehum, ghe mae Simsae sekretri gna provins, nei iheire te loku balumi ghopa Samaria ra nei ka keha namono ka provins te au ke mosu Khoꞌu biꞌo Iufretis ra. Iara King Atasekses, iara kubae ghami ghotilo.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Ululahu Timoti 6:15

God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Isaia 10:8

Mae king Asiria igne fahaehagheni fara neke cheke eghu, ‘Mae komanda ka nogu armi iara igne thofno nheta fara salaꞌudi keha king are!

Ululahu Kings 20:1

Ben-Hadad king gna Siria igne, mana ne kafe kilo meidi nogna soldia re. Eghuteuna keha tolufulu phei king ne mei balu nodi armi mala toghoni mana, mare mei balu nodi hose nei chariot eghu mala magra. Aonu mare tei ne kegra ligohoni namono biꞌo Samaria ne magra ka naiknodi Israel.

Ululahu Kings 4:24

Mana funei frunidi kantri ke mosu Khoꞌu biꞌo Iufretis, fufunu ka nohi Tifsa tei posa ka nohi Gasa. Eghuteuna mana loku fodu kantri te au faligoho igre mala au ka pharikeli.

Esra 7:1

Kmana finogha salaꞌu ke leghudi igre, King Atasekses neke funei fruni Pesia. Ka narane tuare, kaisei pris nanghagna na Esra. Mana karha mei ka vikegna mae pris biꞌo ululahu gna Israel. Vike igne eghu agne: Esra, Seraea, Asaraea, Hilkaea, Salum, Sadok, Ahitub, Amaraea, Asaraea, Meraeot, Serahaea, Usi, Buki, Abisua, Finehas, Eleasa, Eron mae ihei teke kulu mae pris biꞌo na.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Esra 7:11

Igne letas teke tusu lao King Atasekses ka Esra na, eigna mae Esra gne kaisei mae pris nei kaisei mae velepuhi eghu, eghuteuna mana thofno lase fakelidi vetula nei cheke teu teke tusu lao Lord ka naiknodi Israel igre. Letas igne neke cheke eghu:

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.