Esra 6:5 - Buka Blahi Ka Cheke Holo

⁵ Jaola glepo blahi teke horo mare ka gol nei silva eghu teke hata fajifla King Nebukadnesa ka Sugablahi na hata teke tei Babilonia igre mala ke hata fapulo Jerusalem ka Sugablahi majaghani igne.”

Esra 6:5 ပူးပေါင်းရင်းမြစ်များ

Profet Daniel 5:2

Kate koꞌu mare na, king ne chekedi nogna mae glokure mala hata mei kapu teke horo ka gol nei silva teku teke hata mae kuꞌegna mana King Nebukadnesa ka nogna Sugablahi God ka namono Jerusalem. King Belsasa magnahaghei te hata te mei kapu igre mala koꞌu waen baludi nogna funeire. Mana ne koꞌu waen baludi khetogna nei keha khetogna teure, nei hatimare mae biꞌo balu khetodi.

Esra 5:14

Eghuteuna King Saeras neke tusu fapulo ka ghehati glepo blahi te mala loku ka Sugablahi teke horo mare ka gol nei silva. King Nebukadnesa neke hata fajifla glepo igre neke tei lilisei ka sugagna nogna god na Babilonia. Nu King Saeras neke hata fajifla glepo igre neke tusu lao ka mae Sesbasa, mae ihei te gavana ka nohi Juda.

Profet Jeremaea 27:16

Aonu iara ne toutonuni chekegna Lord igne ranghidi mae pris nei naikno teu igre ne cheke eghu, “Igne unha te chekeni Lord na: Ghotilo thosei fanomho ka nodi cheke mae profet te cheke eghu igre, ‘Theome raugha mare ginauna nake atha glepo gna nogna Sugablahi Lord te au teu Babilonia gognaro gre, mala atha ke pulo mei Jerusalem.’ Mae profet igre chaghi ghami ghotilo!

Profet Jeremaea 52:19

Mae Nebusaradan jaola ne atha glepo teke horo mare ka gol nei silva. Glepo igre: dis ikodi, nei tapera mala atha sisibe ngaja, dis mala lilisei dadara mala fafara nei suspen tapera mala gahu insens nei gaju kadol nei dis mala totoho waen.

Fapea Kronikols 36:10

Kate gnafadi narane te reka nei nakhete teu igre, King Nebukadnesa chekedi nogna soldia re mala hata soruni Jehoakin Babilonia. Eghuteuna mare jaola hata tei glepo blahi gna nogna Sugablahi Lord. Aonu mana hata Sedekaea nebugna King Jehoakin mala king gna Juda Jerusalem.

Fapea Kings 24:13

King Nebukadnesa ne jateula teke kulu chekeni Lord tifa ra neu ne hata ne tei gobigna lepo te keli teke au ka nogna Sugablahi Lord, nei sugagna king teure. Mana ne hata koko gol teke lilisei King Solomon ka Sugablahi na.

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Fapea Kronikols 36:18

Eghuteuna King Nebukadnesa ne hata fajifla gobigna lepo teke au teku ka nogna Sugablahi God na baludi gobigna lepo teke au ka chogho te mala lilisei glepo ka Sugablahi na. Eghuteuna mana jaola hata nogna famane glepo King Sedekaea, nei nodi nogna mae biꞌo mana re. Mana hata ne tei gobigna lepo igre Babilonia.