Esra 6:16 - Buka Blahi Ka Cheke Holo

¹⁶ Mae pris baludi mae Livaet nei keha naiknodi Israel eghu iheire teke pulo mei funudi Babilonia, mare ne fablahi nogna Sugablahi God igne. Naiknore ne thofno glealeꞌa fara, eghuteuna mare ne ei gaghamu ka narane biꞌo igne.

Esra 6:16 ပူးပေါင်းရင်းမြစ်များ

Fapea Kronikols 7:5

Mare ne aknu falehe varadaki phei thogha buluka, nei kaisei gobi varadaki thogha sipu malagna fafara igne. Ka puhi igne, king baludi naiknore ne fablahi nogna Sugablahi God igne.

Ululahu Kings 8:63

Mare ne falelehe varadaki phei thogha buluka nei kaisei gobi varadaki thogha sipu mala fafara, fagaglana gna te au fakeli mare balugna Lord. Ka puhi igne, king baludi naiknore ne fablahi nogna Sugablahi Lord na.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Jone 10:22

Ka nhigra te rifu na mae Jisas ne haghe Jerusalem kau gaghamu ghatho fapulogna narane teke fablahigna Sugablahi Jerusalem.

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.

Nehemaea 7:73

Hatimare mae pris, nei mae Livaet, nei mae mala reireghi grengathagna Sugablahi na, nei mae mala koje ka Sugablahi na, nei mae te mala loku ka Sugablahi, naikno igre neke au soru Jerusalem. Mae igre baludi keha naikno teke pulo ka namono aheva heva ka kantri Israel igre neke pulo ka namono teke au vikedi mare tifa ra. Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore.

Esra 4:1

Nodi naoka naiknodi Juda nei Benjamin teu igre mare nomho thoutonu eidi naiknore teke pulo mei funudi Babilonia, eghuteuna mare kela fufunu babana fapulo nogna Sugablahi Lord nodi God maedi Israel.

Fapea Kronikols 30:26

Naikno te gnafa Israel igre ne thofno glealeꞌa fara, naugna funu tifa te mei ka naranegna King Solomon, thugna King Devet te mei posa ka narane tuana, mare theome eni kaisei gaghamu jateula igne teu Jerusalem na.

Fapea Kronikols 30:23

Aonu mare ne kaisei gaoghatho mala ke eni gaghamu igne keha fitu narane. Mare neke eni gaghamu igne balu glealeꞌa.

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Nehemaea 12:43

Ka narane igne, ghehati neke edi kmana fafara, eghuteuna ghehati te gnafa na thofno glealeꞌa fara, naugna God neke faglealeꞌa ghami ghehati. Goro gaꞌase nei goro sua teure jaola ne glealeꞌa, eghuteuna ghehati te gnafa na glealeꞌa ne uareghe tongana, iheire te au teu deleire tangomana te nomhi ghami ghehati na.

Nehemaea 8:10

Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Ululahu Kings 8:62

Aonu king Solomon baludi naikno te gnafa Israel igre ne fafara ka Lord.

Profet Daniel 5:13

Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Nehemaea 12:27

Kate tarabana ghehati te mala fablahi gringni gna namono biꞌo Jerusalem gne teuna, mare tei ne hirodi hatimare mae Livaet ka namonodi re, mala mei Jerusalem ka narane biꞌo igne. Mare mei mala koje kilo fnakno nei mala koje ka simbol nei ka thua nafnata gita.