Esra 6:12 - Buka Blahi Ka Cheke Holo

¹² God neke vahini Jerusalem mala jateula namono aheva te mala tarai nei tufru soruni nei kilo fnaknoni eghu nanghagna mana na. Eghuteuna mana thegna ngala nate koko soruni kaisei king ba kaisei kantri te fariuriu tuthughu nogu cheke iara na, ba fariuriu goigoni nogna Sugablahi God igne Jerusalem! “Iara King Darius te faꞌari cheke igne. Eghume ghotilo loku heta mala faꞌuveni cheke igne.”

Esra 6:12 ပူးပေါင်းရင်းမြစ်များ

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Diutronomi 12:5

Nu ghotilo mala filoni kaisei vido blahi kolho aheva Lord nomi God nate vahini te mala au fabrahu nanghagna mana na jare eghuteuna ghotilo mala ghatho tahuni nanghagna mana na. Ka vido blahi tuana kolho

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Profet Obadaea 1:10

Lord ne cheke eghu, “Ghotilo naiknomi Idom, ghotilo blau nodi glepo kherami themi teke vikegna mae Jekop ra. Eghume, iara ginauna roꞌe ghami nei nhaꞌa fapari ghami eghu ghotilo mala mamaja nomi ghotilo.

Profet Isaia 60:12

Nu iara ginauna goigonidi kantri te theome mei loku ranghi ghami ghotilo igre.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Nodi Khoje Hatimare Mae Jiu 5:10

God, fatedi nei fapuhidi naikno te diꞌa tuare. Eghuteuna lisa laodi mala snoꞌo mare ka khora teke dokha thedi mala snoꞌo iara teku mare na! Eigna mare thono patugama fara ka iagho ne edi kmana nakhibo. Eghume thosei snakredi te kegra ke ulumu iagho na eghu.

Nogna Buka Esta 8:14

Aonu mae te mala hata nonomho igre saghe ka nogna hose King igne ne ghosei hata ne tei nonomho igne. Eghuteuna cheke igre jaola ne tei tongana ka namono biꞌo Susa.

Fapea Kronikols 7:16

Iara ngala neke vahini nei fablahini neku Sugablahi teke horo iagho igne. Nanghagu iara na ginauna au fabrahu ka vido igne. Iara ginauna reireghini, eghuteuna iara ginauna ghatho branani fabrahu.

Diutronomi 16:2

Eghume ghotilo tei ka vido blahi aheva Lord vahini te mala falelehe ghotilo kaisei sipu ba nanigot ba buluka mala fafara ka Lord, nomi God.

Esra 6:13

Naugna ka nogna cheke King Darius igne, mae Tatenae gavana gna provins ke mosu Khoꞌu biꞌo Iufretis ghe mae Seta-Bosenae baludi keha mae biꞌogna provins igne, mare ne thofno loku heta mala leghuni cheke igne.

Esra 6:14

Eghuteuna nodi lida mae Jiu igre ne loku heta ka gloku igne nei kelitadi ka nodi cheke Profet Hagae ghe Profet Sekaraea thugna mae Ido. Mare ne loku fahui Sugablahi igne, jateula teke chekeni nodi God mae Israel, nei cheke ka Saeras, Darius, nei Atasekses thilo king di Pesia.

Esra 7:15

Eghuteuna ghehati magnahaghei te tusu ari keha namha silva nei gol ka nomi God ghotilo maemi Israel ra. Eghume iagho mala hata tei namha igre Jerusalem mala tei lilisei ka nogna Sugablahi God.

Esra 7:26

Jame ihei te theome leghudi nogna Vetula nou God iagho gne, nei theome leghudi vetula gna nogu provins iara igne teuna, naikno tuana nabagna te faghosei parani. Eghuteuna papara igne nabagna nogna najafra mana na. Mare ginauna aknu faleheni, ba khini mala jifla mana ka nogna glose na mala tei au ka keha kantri delei, ba hata fadelei gobigna lepo teke khotodi manare, ba koko laoni ka suga sosolo.”

Esra 7:17

Iagho thosei koko tafri sileni igne, iagho mala foli buluka nalhaꞌudi nei sipu nalhaꞌudi nei sua sipu nei wit nei waen, mala fafara ke kligna olta ka nogna Sugablahi God na Jerusalem.