Esra 5:8 - Buka Blahi Ka Cheke Holo

⁸ “King, ghehati magnahaghei te cheke arini ka iagho, eigna ghehati neke tei sighoni nohi gna Juda, eghuteuna ghehati filoni naiknore la eni kaisei nogna Sugablahi majaghani God te nolaghi fara. Mare horo Suga igne ka thina biꞌo teke tei kato mare re, eghuteuna mare lilisei thaba biꞌo lamna ka gringnigna na. Mae igre loku heta fara mala doglo fakeli gobi lepogna Sugablahi igne, eghuteuna gloku igne la thofno keli fara.

Esra 5:8 ပူးပေါင်းရင်းမြစ်များ

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Profet Daniel 3:26

King Nebukadnesa ne tei rhegna khaꞌaghi te brana fara igne ne eha eghu fabiꞌo, “Sadrak, Misak, Abenegho, ghotilo thilo nogna mae gloku God ka maloa kligna ra, jifla mei!” Aonu thilo mare ne jifla mei ka khaꞌaghi na.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Nogna Buka Esta 1:22

Mana ne kilodi hatimare mae sekretri mala rioriso cheke igre ka nodi soasopai cheke naikno te au ka provins te gnafa ke lamnagna kantri Pesia, “Mae nalhaꞌu na ngala te mala funei fruni ni tharakna thegna na.”

Nogna Buka Esta 1:1

Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Nehemaea 11:3

Keha ka mae pris, nei mae Livaet, nei mae te loku ka Sugablahi, nei mae teke loku ranghini King Solomon tifa ra, baludi keha naiknodi Israel igre eghu, mare au ka nodi vidore ka namono Juda. Nu keha mae lida baludi keha naikno ka phei nohi Juda ghe Benjamin, mare ne horo nodi suga Jerusalem. Mae ka vikegna Juda te au Jerusalem re igre: Mae Ataea thugna mae Iusaea, mae ihei teke karha mei ka tharaknagna mae Peres. Tharakna igne eghu agne: Mae Ataea, nei mae Iusaea, nei mae Sekaraea, nei mae Amaraea, nei mae Sefataea, nei mae Mahalalel, nei mae Peres, mae ihei te kuꞌedi tharakna igne.

Nehemaea 7:6

Igne unha teke eni ka narane tuare. Kmana finogha tifa King Nebukadnesa neke hata kmana naiknodi Israel neke tei sosolo Babilonia. Ke leghu, kmana naikno jifla Babilonia neke pulo mei neke au Jerusalem nei ka keha agne Juda. Eghuteuna mare tei ka namonodi kuꞌedi ra.

Esra 7:23

Jame God gna Kligna igne cheke ka Esra mala toredi gobigna lepo ba edi keha glepo malagna nogna Sugablahi mana na teuna, ghotilo mala edi gobigna lepo aheva te tangomana ghami ghotilo te mala toghoni mana na. Glahula diꞌatagna God ka iara baludi thugu iara gre nei nogu provins iara gne eghu.

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Esra 5:7

Igne ripot teke fatei mare ka mana na: “King Darius. “Ghehati thofno kilo fnaknoni nanghamu iagho na.

Esra 5:9

“Eghume, ghehati neke ghusna eghu ka nodi lida naiknore, ‘Mae ihei teke tusu ari nolaghi ka ghotilo te mala ke babana fapulo Sugablahi igne, eghuteuna mala tarabana thinagna nei thabagna teuna?’

Esra 6:4

Ka gringni gna na, mare mala horo kaisei thura ka thaba mala au ke kligna gna fatilo thura thina na. Mare mala eni igne ghilei gnafa gringni na. Eghuteuna sileni te mala eni gloku igne nei sileni te mala folidi mae gloku gre teuna ginauna jifla mei ka nogna sileni king.