Esra 5:16 - Buka Blahi Ka Cheke Holo

¹⁶ “Aonu mae Sesbasa mei Jerusalem neke fufunu fapulo glokugna nogna Sugablahi God igne, nu gloku na theome gnafa ngau. Igne nodi cheke mare na.”

Esra 5:16 ပူးပေါင်းရင်းမြစ်များ

Esra 6:15

Mare ne loku fahui Sugablahi igne ka fatilo narane gna nhigra Ada ka fafamno finogha King Darius te funei fruni Pesia.

Esra 3:10

Kate fufunu lilisei mare thina biꞌo ka khotogna nogna Sugablahi Lord igne, hatimare mae pris ne fahaghe nodi phoko blahi re, aonu mare hata trampet ne tei khegra ka nodi vido re. Aonu mare ne tarabana mala kilo fnaknoni Lord, leghuni unha teke chekeni mae Devet king gna Israel ka naiknore tifa.

Esra 3:8

Ka fapea nhigra gna fapea finogha ke leghugna narane teke pulo mei ka vido aheva teke augna Sugablahi tifa na, mare ne funu babana fapulo Sugablahi igne. Mae Serubabel thugna mae Sealtiel, nei mae Jesua thugna mae Jehosadak, baludi mae pris nei mae Livaet, nei iheire te gnafa teke pulo mei Jerusalem, mare ne loku fodu mala eni gloku igne. Hatimare mae lida ne vahidi mae Livaet te varadaki finoghadi, mala bos gna gloku igne.

Profet Hagae 2:18

Gognarona varadaki fati narane gna fanheva nhigra, eghuteuna gognarona ghotilo la enihi babana gna nogu Sugablahi iara na, eghume funu gognarona, ghotilo ginauna filoni unha nate thakle mei na.

Esra 5:2

Kate nomhidi mae Serubabel thugna mae Sealtiel ghe mae pris biꞌo Jesua thugna mae Jehosadak nodi cheke phei mae profet igre, phiamare neke fufunu babana fapulo nogna Sugablahi God igne Jerusalem. Eghuteuna phei nogna profet God igre ne toghodi mare.

Jone 2:20

Mae biꞌodi mae Jiu re ne cheke eghu ka mana, “Ghema, tangomana nigho ngau sagho te loku kolho thilo narane na suga ignea? Phiatutu namno finogha si mare teke loku gna na Sugablahi ignea!”

Esra 5:14

Eghuteuna King Saeras neke tusu fapulo ka ghehati glepo blahi te mala loku ka Sugablahi teke horo mare ka gol nei silva. King Nebukadnesa neke hata fajifla glepo igre neke tei lilisei ka sugagna nogna god na Babilonia. Nu King Saeras neke hata fajifla glepo igre neke tusu lao ka mae Sesbasa, mae ihei te gavana ka nohi Juda.

Esra 5:15

King cheke ka mana mala hata glepo igre ke pulo Jerusalem, mala ke horo fapulo Sugablahi na vido teke augna tifa na, mala ke lilisei glepo blahi igre ke lamnagna Sugablahi igne.’

Profet Sekaraea 4:9

“Serababel thegna teke lilisei famamhaku gna Sugablahi igne, eghuteuna mana thegna ginauna jaola eni fagnafa gloku ka suga igne. Gognarona keha naiknore ghatho faparidi glepo ikodi te edi mae gloku re igre, naugna gloku igne thoghei kolho. Nu kate filoni mare mae Serababel te eni thina leghu lahugna Sugablahi igne te mala doglo na, naiknore ginauna glealeꞌa fara.” Aonu iara ne cheke eghu, “Serababel, kate edi te fagnafa glepo igre, iagho ginauna laseni Lord mae ihei te au nolaghi fateote'o igne mana kuru ari ghau iara ka ghotilo.” Aonu engel igne ne cheke tughuni nogu faghusna iara na ne cheke eghu, “Fitu juta igre jateula fitu tathagna eghu Lord, te filo ka vido te gnafa ka nauthoglu igne.”