Esra 4:4 - Buka Blahi Ka Cheke Holo

⁴ Aonu naikno te au ka namono te au faligohodi mare igre ne fariuriu famamhaghudi nei fabebeadi eghu gaoghathodi naiknodi Juda mala lilisei mare gloku igne.

Esra 4:4 ပူးပေါင်းရင်းမြစ်များ

Esra 3:3

Neuba mare ne mhaghudi keha naikno te au ka namono te au faligohodi re, neke horo fapulo olta igne ka thofno vido aheva teke au olta tifa na. Aonu mare ne funu gahu ke kligna gna olta igne fafara te krono fara na hamerane grafi mala tufru soruni Lord.

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Nehemaea 6:9

Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”

Nehemaea 4:11

Eghuteuna noda naoka tahati igre cheke eghu ka gaoghathodire, “Mare ginauna theome laseni ba filoni tela meihi ghehati na, tahati ginauna mei aknu falehedi mala gnafa mare gloku na.”

Fapea Samuel 4:1

Kate nomhini King Isboset te lehe mae Abna Hebron igne, mana ne mhaghu nogna fara baludi naikno te gnafa Israel.

Esra 4:5

Eghuteuna naikno igre jaola ne falao sileni ka gavman gna Pesia, mala famaemahedi mare mala goigoni ni nodi gloku maedi Juda. Mae naoka gre eni fabrahu puhi igne funu ka narane te funei fruni King Saeras, ghilei mei posa ka narane Darius te tughuni mana te khegra king gna Pesia.

Nehemaea 4:2

Eghuteuna mana kegra haghe ke uludi mae kheragna re baludi mae armidi Samaria gre ne cheke eghu, “Tore, unha site eni na mae Jiu te glaꞌe fara igrea? Ba, mare ginauna tangomanadi teke babana fapulo thedi gringni thina tuana? Ba, mare ginauna jaola tangomanadi nate ke fafara na. Ba, mare ginauna tangomanadi nate loku fagnafa gloku igne ka kaisei narane kolho na? Theome tangomana! Thina teke hata teke loku mare tifa gringni thina igne la goigonihi khaꞌaghi. Mare theome tangomana teke hata thina ka chara re.”

Profet Daniel 10:13

Iara neke theome tangomana te mei ka iagho tifa na, naugna engel te diꞌa te reireghini kantri Pesia igne neke fanogra ghau iara nabagna varadaki kaisei narane. Nu engel Maekol mae funeidi engel te keli igre mei ne togho ghau iara. Naugna iara thegu kolho te au agne Pesia te mala magrini engel te diꞌa igne.

Profet Daniel 10:20

Eghuteuna mana ne cheke eghu, “Ba, iagho laseni unha te meini iara ka iagho gognarogne? Iara mei mala falalase ka iagho unha teke rioriso mare ka Buka na Cheke te Tutuani igne. Nu iara gognarona nake ghosei ke pulo mala magrini engel te diꞌa te reireghidi naiknodi Pesia. Ke leghugna igne, keha engel te diꞌa te reireghi naiknodi Gris igne ginauna mei. Nu engel Maekol, mae ihei te reireghi ghami ghotilo mae Israel gre ngala te togho ghau iara na.”