Esra 3:7 - Buka Blahi Ka Cheke Holo

⁷ Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Esra 3:7 ပူးပေါင်းရင်းမြစ်များ

Ululahu Kings 5:6

“Eghume, iara magnahaghei nigho iagho te mala chekedi nou mae glokudi Sidon ra mala tei Lebanon mala kato keha gaju sida jare, mala babana iara Sugablahi igne. Nu iara ginauna kurudi nogu mae gloku igre mala ari toghodi mare. Eghuteuna iara ginauna foli nigho unha te chekeni iagho na mala folidi iagho nou mae glokure. Tapa kafe lasedi nou mae gloku iagho are thofno lalase salaꞌudi keha mae te kato thabara.”

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Profet Esikiel 27:17

“ ‘Maedi Juda baludi mae Israel foli famane glepo ka iagho ka soasopai nafnata famane wit, nei jurukuli, nei oliv oel, nei glepo mala ei oel nei insens.

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Mae Khuru 9:43

Mae Pita ne au kmana narane jare Jopa ka sugagna mae Simon, mae ihei te edi glepo ka guli buluka.

Fapea Samuel 5:11

Mae Hiram king gna Taea igne ne kurudi keha mae biꞌo ka gavman mala tei filoni king Devet. Mana jaola ne fatei gaju sida, keha mae mala loku ka suga, nei loku ka thina. Eghuteuna mare hata taba sida baludi mala horo nogna suga mae Devet.

Esra 3:6

Nabotho glima narane ke ulugna narane Gaghamu Grorofe igne, neuba mare ne theome funu babana fapulo neu Sugablahi na, mare ne funu eni fafara te thofno krono na mala tufru soruni Lord.

Fapea Kings 12:10

Leuleghu fata na bokis igne fodu ka sileni, nogna sekretri mae king balugna mae pris biꞌo igne, phiamare mei ne kaha sileni igre ne hohono ka baeg.

Fapea Kings 12:13

Sileni igne theome mala foli glepo teke horo ka silva kapu, besin, glepo mala ifu, glepo mala fagagae juta, nei keha glepo teke horo ka silva ba ka gol.

Fapea Kronikols 34:10

Thilo mae igre ne tusu lao sileni igne ka mae funei gloku teke vahidi mare te mala filoni teu gloku te eni mare ka Sugablahi igne. Eghuteuna mae funei gloku igre folidi mae iheire te loku ka Sugablahi igne.