Esra 2:70 - Buka Blahi Ka Cheke Holo

⁷⁰ Mae pris nei mae Livaet, nei mae mala koje ka Sugablahi na, nei mae te mala reireghidi grengathagna Sugablahi na, nei mae te loku ka Sugablahi na, mae igre baludi keha naiknore neke figri ka namono aheva teke au tharaknadi mare tifa ra.

Esra 2:70 ပူးပေါင်းရင်းမြစ်များ

Nehemaea 7:73

Hatimare mae pris, nei mae Livaet, nei mae mala reireghi grengathagna Sugablahi na, nei mae mala koje ka Sugablahi na, nei mae te mala loku ka Sugablahi, naikno igre neke au soru Jerusalem. Mae igre baludi keha naikno teke pulo ka namono aheva heva ka kantri Israel igre neke pulo ka namono teke au vikedi mare tifa ra. Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore.

Ululahu Kronikols 11:2

Tifa na Sol neke king fruni ghita tahati, nu neuba iagho nake batu ghami ghehati mala tei ka magra. Eghuteuna Lord na cheke ka iagho mala reireghi ghami ghehati nogna naikno mana re, eghuteuna iagho ginauna nomi king ghehati.”

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Fapea Kings 7:10

Aonu mare neke figri ka namono biꞌo na, eghuteuna mare ne kilodi mae te reireghi gna grengatha gna namono biꞌo na ne cheke eghu, “Ghehati neke tei ka nodi namono maedi Siria ra, nu ghehati ne theome filoni kaisei mae jare, nei ghehati theome nomhini kaisei mae te cheke na. Nodi suga tapuale re au fakeliau kolho, eghuteuna hose nei dongki teure haru maku ngala.”

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.