Esra 2:68 - Buka Blahi Ka Cheke Holo

⁶⁸ Kate posa naiknore Jerusalem, mare ne tei ka vido aheva teke augna nogna Sugablahi Lord tifa na. Aonu keha ka phaꞌu maedi tharakna igre na, mare ne tusu lao sileni leghuni unha te tangomanadi mare na, mala toghodi mare mala ke babana fapulo gna Sugablahi igne ka vido aheva teke augna tifa na.

Esra 2:68 ပူးပေါင်းရင်းမြစ်များ

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Fapea Korin 8:3

Iara cheke tutuani ka ghotilo, mare tufa salaꞌui gobigna lepo te naba mala tufa na. Theo iheinga te cheke ranghidi te mala eni igne, thedi kolho.

Eksodas 36:3

Moses ne tusu lao ka mare gobigna lepo teke famei naiknodi Israel ka mana mala eni Suga Tapuale te Blahi igne. Leuleghu hamerane na, iheire te magnahaghei fafara ka Lord igre, mare atha mei koba kmana glepo.

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Esra 3:3

Neuba mare ne mhaghudi keha naikno te au ka namono te au faligohodi re, neke horo fapulo olta igne ka thofno vido aheva teke au olta tifa na. Aonu mare ne funu gahu ke kligna gna olta igne fafara te krono fara na hamerane grafi mala tufru soruni Lord.

Fapea Kronikols 3:1

Aonu ka fafati finogha ka fapea nhigra te king mae Solomon igre, mana ne funu loku ka nogna Sugablahi Lord. Mana ne horo Sugablahi igne Jerusalem ka vido aheva teke vahinihi kmagna mana King Devet, teke tarabanahi vido te mala babana Sugablahi igne ke kligna Thogele Moriah, ka vido te mala fagagae wit mae Arauna tifa ia, mana vikegna mae Jebus. Igne vido aheva Lord teke fakakhanani thegna ka mae Devet ia.

Ululahu Kronikols 22:1

Aonu mae Devet au neu ka nogna glose mae Arauna igne ne cheke eghu, “Tahati ginauna horo nogna Sugablahi Lord mae ihei te God na ka vido igne. Eghuteuna olta te mala gahu fafara na ginauna jaola au agne.”

Ululahu Kronikols 21:18

Aonu Engel nogna Lord na ne cheke ka profet Gad mala tei mana filoni mae Devet, eghuteuna chekeni mana mala tei eni kaisei nogna olta Lord ka nogna vido mala fagagae wit mae Arauna, maegna Jebus.

Eksodas 25:2

“Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.

Esra 2:67

kamel: 435 dongki: 6,720.

Esra 2:69

Mare ne nhaꞌa lao niha sileni teke au tadi re ne posani 500 kilo gol, 2,800 kilo silva, nei 100 famane pohe maladi mae pris.

Eksodas 35:21

Iheire fateo te thofno magnahagheni fara ka nagnafadi fateote'o te mala tusu lao keha glepo ka Lord, nei thofno magnahagheni fara te eni igne teuna, mare atha mei glepo igre mala tusu lao ka Lord. Mare atha mei glepo mala eni Suga Tapuale te Blahi te mala thafoni God, nei glepo mala tarai ke lamna gna Suga Tapuale te Blahi igne, nei mala edi nogna pohe pris.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.