Esra 2:63 - Buka Blahi Ka Cheke Holo

⁶³ Eghuteuna mae gavana gna provins na jaola ne theome snakredi mare te ghamu ka Sugablahi na u gano blahi igne, ghilei thoke ka narane kaisei mae pris te hata Urim ghe Tumim, mae pris gre tangomana te hironi gaoghathogna God na ka phei glepo igre.

Esra 2:63 ပူးပေါင်းရင်းမြစ်များ

Eksodas 28:30

Eghuteuna mana mala lilisei phei thina igre, Urim ghe Tumim, lamna ka paos te babaꞌo mana ka babango gna na igne, mala au fabrahu ka babango gna mana na kate mei mana te kegra ke ulugu iara. Ka puhi igne, leuleghu fata ke ulugu iara na mana kegra haghe ulu ka vido te au iara na, mana ginauna tangomana te atha phei thina igre mala laseni iagho unha iara Lord iara magnahaghei te eni iagho na.”

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 2:3

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Nehemaea 8:9

Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Levitikas 22:10

“Ihei te theome tharakna gna pris na, mana theome tangomana te ghamu gano blahi na. Eghuteuna ihei teke sighoni kaisei pris, ba ihei loku ranghini kaisei pris, mana jaola theome tangomana te ghamu gano blahi na.

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.

Nehemaea 7:65

Eghuteuna gavana gna provins na jaola theome snakredi mare te ghamu gano blahi ka Sugablahi na, ghilei thokeni narane kaisei mae pris te tangomana te hata phei glepo Urim nei Tumim, mala laseni gaoghathogna God na.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Diutronomi 33:8

Vikegna mae Livae, ghotilo mae pris te hata phei nogna thina Lord te kilodi Tumim ghe Urim. Lord laseni te ghotilo kolho te doglo kani teke fariuriu ghami mana namono Masa nei ka khoꞌu Meriba.

Naba 18:32

Kate fafara mei ghotilo famane glepo ka iara na, doglou kolho ghotilo te ghamu keha vido na, eghuteuna ghotilo ginauna theome tangomana te papara tagna na. Nu jame kaisei ka ghotilo hata kaisei nodi glepo blahi naiknodi Israel, ame tufa nga ghotilo fabotho na ka iara, te eghu na, mana goigoni glepo blahi na eghume mana mala lehe.’ ”

Naba 18:19

Eghuteuna leuleghu fata na, unha glepo teke nhaꞌa fadelei ka fafara te blahi teke tufa mei naikno ka iara Lord na, gobi lepo tuare, iara na tufa ari ka iagho baludi naikno te gnafa ka vikemu iagho are. Igne ngala kaisei nhaꞌa cheke te eni iara balumu iagho nei ka vikemu iagho re. Igne ngala kaisei nhaꞌa cheke balumu iagho nei vikemu iagho te theome tangomana iara huhughuni na.”

Levitikas 8:8

Aonu mae Moses atha paos na ne fagefe lao ka babangogna mae pris biꞌo na, mana famaku lao ke ulu ka efod na, eghuteuna mana atha phei thina te kilodi mare Urim ghe Tumim igre ne hono lao lamna ka paos igne.

Levitikas 7:16

“Jame kaisei mae ei fafara naugna mana neke eni kaisei nhaꞌa cheke, ba fafara te eni mana leghuni unha te magnahagheni mana na, mana tangomana te ghamu nafnahi gna fafara igne ka narane tuanala nei jaola ka keha narane na.

Levitikas 6:29

Kaisei mae ka tharaknadi mae pris mana tangomana te ghamu nafnahigna fafara tuana, naugna thono blahi fara.

Esra 2:64

Khaputudi iheire te gnafa teke figri funudi Babilonia re, thokeni 42,360.

Levitikas 22:13

Jame mae tuana koko khetogna na ba mana lehe, eghuteuna naꞌa theo thugna. Jame teke pulo mei naꞌa ka sugagna kmagna na mala ke au jateula ame tolaghi nga teku ia, naꞌa tangomana teke ghamu gano blahi kmagna na. Nu ihei te theome tharakna gna pris na theome tangomana te ghamu gano blahi na.

Nehemaea 10:2

Mae pris te mei rioriso nanghadire igre: mae Seraea, nei mae Asaraea, nei mae Jeremaea, nei mae Pasuru, nei mae Amaraea, nei mae Malkaeja, nei mae Hatus, nei mae Sebanaea, nei mae Maluk, nei mae Harim, nei mae Maremot, nei mae Obadaea, nei mae Daniel, nei mae Gineton, nei mae Baruk, nei mae Mesulam, nei mae Abaeja, nei mae Mijamin, nei mae Masaea, nei mae Bilgae, nei mae Semaea.