Esra 2:2 - Buka Blahi Ka Cheke Holo

² Nanghadi mae iheire teke batudi mare teke figri re igre: Mae Serubabel, nei mae Jesua, nei mae Nehemaea, nei mae Seraea, nei mae Relaea, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Khaputudi naikno nei tharakna gna Israel teu teke figri re igre:

Esra 2:2 ပူးပေါင်းရင်းမြစ်များ

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Profet Hagae 1:14

Aonu Lord ne cheke ka mae gavana Serababel, mae pris biꞌo Josua, nei naikno te gnafa teure mala ke fakegra fapulo nogna Sugablahi Lord, mae ihei te au nolaghi fateote'o.

Profet Hagae 1:12

Aonu Serababel thugna Sealtiel, nei mae pris Josua thugna Jehosadak nei naikno te gnafa te au ka vido tuana, mare pukuni leghuni fara chekegna Lord nodi God na. Mare ne leghuni chekegna Lord mae ihei teke snakre meini profet Hagae te toutonu u nogna nonomho na nu mare mhaghuni fara langau Lord.

Nehemaea 7:7

Nanghadi iheire teke batudi mare teke pulo mei Jerusalem re igre: Mae Serababel, nei mae Jesua, nei mae Nehemaea, nei mae Asaraea, nei mae Ramaea, nei mae Nahamani, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Eghuteuna naikno ka vikegna Israel teke pulo meire igre:

Profet Sekaraea 3:3

Pris Josua gne kegra fabrahu neu jare, nu nogna pohe na thofno thona fara.

Profet Sekaraea 3:1

Iara neke filoni keha mifi te fakakhana Lord ka iara na. Ka mifi igne, iara filoni pris biꞌo Josua kegra ke ulugna nogna engel Lord. Eghuteuna Satan jaola kegra jare, fei nhetagna pris biꞌo, eghuteuna Satan tarabana keha nogna gaoghatho mala cheke faparini Josua.

Profet Hagae 2:21

ka Serababel mae gavana gna Juda. Mana ne cheke eghu, “Theome raugha iara ginauna fanghali di maloa ghe nauthoglu igre.

Profet Hagae 2:2

“Iagho tei cheke ka Serababel mae gavana gna Juda, nu ka mae pris biꞌo Josua, nu ka naikno te au jare re, mala ghusna eghu:

Profet Hagae 1:1

Lord cheke lao u nonomho ka profet Hagae ka narane ulu lahu na namno nhigra ke lamnadi phia finogha king teku Darius gna Pesia na. Lord ne cheke ka mana mala tei cheke ka Serababel mae gavana gna Juda, thugna mae Sealtiel, nei mae pris biꞌo Josua thugna mae Jehosadak.

Esra 5:2

Kate nomhidi mae Serubabel thugna mae Sealtiel ghe mae pris biꞌo Jesua thugna mae Jehosadak nodi cheke phei mae profet igre, phiamare neke fufunu babana fapulo nogna Sugablahi God igne Jerusalem. Eghuteuna phei nogna profet God igre ne toghodi mare.

Esra 4:8

Eghuteuna gavana Rehum ghe mae Simsae mae sekretri gna provins na, phiamare jaola ne rioriso tei kaisei letas ka King Atasekses mala fatedi naiknodi Jerusalem. Ka letas igne, phiamare ne cheke eghu,

Esra 4:3

Nu Serubabel ghe mae Jesua baludi phaꞌu maedi tharaknadi mare re ne cheke eghu ka mare, “Ghehati Israel kolho te nogna naikno Lord na, ghotilo theome tangomana te loku balumi ghehati ka gloku te mala ke babana fapulo nogna Sugablahi nomi God ghehati igne. Nu ghehati themi kolho nate loku ka nogna Sugablahi Lord igne, leghuni unha teke chekeni King Saeras gna Pesia ka ghehati na.”

Esra 1:11

Khaputudi glepo igre baludi keha gol nei silva eghu teke hata mae Sesbasa igre thokeni glima thogha fati gobi. Mae Sesbasa ne hata glepo igre ka narane te jifla mana Babilonia baludi keha naiknodi Israel neke figri Jerusalem.

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Esra 2:3

Ka tharaknagna mae Paros: 2,172.

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.

Esra 1:8

King neke cheke ka mae Mitredat, mae mala reireghidi nogna sileni king mala hata fajifla glepo blahi igre. Eghuteuna mae Mitredat ne kaha glepo igre ke ulugna mae Sesbasa, mae gavana gna Juda, neke tusu fapulo ka mana.

Esra 8:1

Igre nanghadi phaꞌu maedi ka soasopai kokholo teke tei pulo mei funu Babilonia balugu iara, ka narane teke funei fruni King Atasekses Babilonia. Keha mae ka kokholo jaola teke pulo mei balumi ghehati. Nanghadire:

Nehemaea 10:15

nei mae Buni, nei mae Asgad, nei mae Bebae,

Nehemaea 12:47

Eghume, ka naranegna Serababel nei ka naranegu iara mae Nehemaea teku igre, naiknodi Israel igre neke hata neke mei gano leuleghu narane mala toghodi mae te koje ka Sugablahi na, nei maladi mae te reireghi grengathagna Sugablahi na. Eghuteuna naiknore jaola namha glepo te keli ranghidi mae Livaet. Eghuteuna mae Livaet jaola tufa vidogna unha teke hata mare na maladi mae pris teke karha mei ka vikegna Eron, leghuni unha te chekeni ka nogna Vetula God na.