Esra 2:1 - Buka Blahi Ka Cheke Holo

¹ Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Esra 2:1 ပူးပေါင်းရင်းမြစ်များ

Fapea Kings 25:11

Eghuteuna mae Nebusaradan ne hata naikno teke au faleghu teku ka namono igne, nei iheire teke rikha mala tei loku fodu baludi maedi Babilonia ke kosi, aonu mana kafe hata naikno igre ne tei au Babilonia.

Mae Khuru 23:34

Mae Filiks iu'iju letas na ne ghusna eghu ka mae Pol, “Iagho maemu ka provins aheva sia ghema?” Mae Pol ne cheke eghu, “Iara maegu ka Provins Silisia.”

Profet Sefanaea 2:7

Eghuteuna naikno teke au faleghu teu Juda igre ginauna nake khotodi nomi vido glose ghotilo igre. Nodi sipure ginauna ghamu ghedi buburu ka vido igre, aonu maedi Juda igre ginauna ruma au ka suga teke jifla kokodi mare teke tei ka namono Askelon. Eghuteuna nodi Lord God mae Juda igne ginauna au baludi mala toghodi, mala ke au fakeli ka kantri igne.

Lamentations 4:22

Ghotilo naiknomi Jerusalem ra, noda naꞌau papara tahati ra ginauna hui. Lord ginauna theome snakre ghita te au fabrahu tahati ka kantri te khaba. Nu ghotilo naiknomi Idom ra, Lord ginauna para ghami ghotilo eidi nakhibomi ghotilo are, eghuteuna fakakhana najafra teke edi ghotilo ra eghu.

Lamentations 1:5

Lord ginauna lisa lao na au papara ke klignadi, naugna mare ne tapla jafra fabrahu ka nakhibo ranghini Mana. Naoka mei funei fruni au fakeli nodi. Neubane goro sua ikodi, naoka mei hata fajifladi ka nodi namono re.

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Nogna Buka Esta 8:9

Mare ne eni igne ka narane varadaki thiloi gna fatilo nhigra, Sivan. Mae Modikae ne kilo fodudi hatimare nogna mae sekretri te gnafa mae king igre ne rioriso soru kaisei cheke ka nanghagna King. Cheke igne ne tei ka mae Jiu te gnafa, ka nogna tothoghei minista te gnafa, ka nogna tothoghei mae primia te gnafa nei ka hatimare mae biꞌo te gnafa ke lamnadi kaisei gobi varadaki fitu provins, funu ka kantri India ke maghati na tei posa ka kantri Itiopia ke mosu na. Mare ne rioriso cheke igne ka nodi cheke provins te gnafa nei ka nodi cheke hatimare mae Jiu.

Nogna Buka Esta 1:11

Mana kurudi mae igre mala tei chekeni Kuin Vasti mala fahaghe nogna khepi nafnakno na mala mei kegra ke ulugna. Mana magnahaghedi nogna mae funei nei naikno teu te au ka gaghamu igre te filoni naꞌa, naugna Kuin Vasti igne kaisei famane gaꞌase fara.

Nogna Buka Esta 1:8

Mana ne chekedi nogna mae glokure mala lelheghu ka thedi, te koꞌu ba theo.

Nogna Buka Esta 1:3

Ka fatilo finogha te king mana igne, mana ne eni kaisei gaghamu biꞌo maladi mae biꞌo te gnafa, mae funei te gnafa, mae biꞌodi armi te gnafa, mae lida te gnafa ka provins te gnafa ka phei kantri biꞌo Pesia ghe Media.

Nogna Buka Esta 1:1

Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Esra 6:2

Mare ne theome filoni Babilonia, nu mare ne filoni rekod buka igne ka namono Ekbatana ka provins Media aheva te bara te lithui mare ka thina. Nu buka igne cheke eghu,

Esra 5:8

“King, ghehati magnahaghei te cheke arini ka iagho, eigna ghehati neke tei sighoni nohi gna Juda, eghuteuna ghehati filoni naiknore la eni kaisei nogna Sugablahi majaghani God te nolaghi fara. Mare horo Suga igne ka thina biꞌo teke tei kato mare re, eghuteuna mare lilisei thaba biꞌo lamna ka gringnigna na. Mae igre loku heta fara mala doglo fakeli gobi lepogna Sugablahi igne, eghuteuna gloku igne la thofno keli fara.

Esra 1:11

Khaputudi glepo igre baludi keha gol nei silva eghu teke hata mae Sesbasa igre thokeni glima thogha fati gobi. Mae Sesbasa ne hata glepo igre ka narane te jifla mana Babilonia baludi keha naiknodi Israel neke figri Jerusalem.

Esra 2:2

Nanghadi mae iheire teke batudi mare teke figri re igre: Mae Serubabel, nei mae Jesua, nei mae Nehemaea, nei mae Seraea, nei mae Relaea, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Khaputudi naikno nei tharakna gna Israel teu teke figri re igre:

Esra 8:35

Ghehati te gnafa iheire teke pulo mei funu Babilonia ra, ghehati hata neke mei glepo mala fafara ka God gna Israel. Malagna fafara te gahu te krono fara igne, ghehati hata nabotho phei buluka nalhaꞌudi nanaba ka nabotho phei vikegna Israel, eghuteuna nhevasalei namno sipu nalhaꞌudi, eghuteuna fitusalei fitu sua sipu nalhaꞌudi. Eghuteuna ghehati jaola hata nabotho phei nanigot nalhaꞌudi mala fafara mala hata fadelei Lord nakhibodi re. Igre unha teke fafara ghehati ka Lord.

Nehemaea 12:1

Kmana mae pris nei mae Livaet eghu jifla Babilonia neke pulo mei Jerusalem balugna: mae Serababel thugna mae Sealtiel, nei mae pris biꞌo Jesua. Nanghadi mae pris re igre: mae Seraea, mae Jeremaea, mae Esra,

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Esra 2:70

Mae pris nei mae Livaet, nei mae mala koje ka Sugablahi na, nei mae te mala reireghidi grengathagna Sugablahi na, nei mae te loku ka Sugablahi na, mae igre baludi keha naiknore neke figri ka namono aheva teke au tharaknadi mare tifa ra.

Profet Isaia 48:20

Ghotilo jifla Babilonia! Rikha tei kokodi naiknogna kantri igne! Ghotilo gleale'a nei toutonuni nonomho igne balu eha eghu fabiꞌo heva te heva ka nauthoglu igne, “Lord na la atha fapulohi nogna naikno gloku, mae Israel!”

Profet Jeremaea 50:19

Nu iara ginauna nake atha fapulo nogu naiknodi Israel igre ka nodi thofno namono na. Mare ginauna na jateula sipu te au ka vido aheva te au famane buburu ra eghu. Sipu igre ginauna ghamu buburu te karha ka Thogele Kamel, nei ka gukhu Besan. Eghuteuna ka thogele ka phei nohi Efrem ghe Gilead, rehati ginauna ghamu ghilei boho fakeli.