Esra 10:8 - Buka Blahi Ka Cheke Holo

⁸ Mare lilisei nabagna thilo narane te mala mei mare ka faidu igne. Eghuteuna te chekeni mare na jame mae ihei te theome mei ka narane igne na, mare ginauna hata koko gobigna lepo teke khotodi mana re, eghuteuna nhaꞌa fadeleini ka naiknodi Israel.

Esra 10:8 ပူးပေါင်းရင်းမြစ်များ

Esra 7:26

Jame ihei te theome leghudi nogna Vetula nou God iagho gne, nei theome leghudi vetula gna nogu provins iara igne teuna, naikno tuana nabagna te faghosei parani. Eghuteuna papara igne nabagna nogna najafra mana na. Mare ginauna aknu faleheni, ba khini mala jifla mana ka nogna glose na mala tei au ka keha kantri delei, ba hata fadelei gobigna lepo teke khotodi manare, ba koko laoni ka suga sosolo.”

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Jone 9:34

Aonu, hatimare diꞌa tadi fara ka mana ne cheke eghu, “Ghema, iagho mae tuana diꞌa fabrahu ngala puhimu na funu karha mei mu! Iagho theome naba te farirhiu ghami ghehati na!” Aonu, hatimare ne faꞌau kosini mana kau suga tharai na.

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Nehemaea 13:3

Kate nomhini naiknore Vetula igne, mare ne kuru fajiflani ihei te theome vikegna Israel ka nakhapru igne.

Ululahu Samuel 11:7

Aonu mana ne hata phei buluka ne vaevahe faꞌikodi. Gnafa teuna, mana ne tusu lao ka nogna mae glokure ne hata ne tei tufa ka vido te gnafa ka kantri igne, ne cheke eghu, “Mae ihei te theome tei ka magra baludi King Sol ghe Profet Samuel ka armigna Amon na, nogna buluka mana re ginauna nghuja jateula igne eghu.” Kate nomhini naiknore igne, mare ne mhaghu nodi fara, glahu paradi Lord ginauna. Aonu mare te gnafa na ne kafe mei loku fodu.

Jajis 21:5

Aonu mare ne cheke eghu fari thedi, “Ba, ka narane teke khapru tahati ke ulugna Lord Mispa ia, ihei ka vike tahati gne teke theome mei baluda tahati na?” Mare ne cheke eghu, naugna ka narane tura mare neke eni kaisei nhaꞌa cheke eghu, “Jame kaisei mae ka tahati theome mei baluda tahati ke ulugna Lord gognarogne, tahati ginauna aknu faleheni.”

Josua 6:19

Tahati ginauna theome gnubra fahui silva nei gol teu are baludi gobigna lepo teke horo mare ka bras, ba aean. Tahati ginauna tathaji baludi keha glepo teke lilisei teku tahati ra malagna Lord.”

Levitikas 27:28

“Gobigna lepo teke lisei fadelei ghotilo malagu iara Lord teu igre thofno blahi fara. Neuba glepo igre ne naikno, ba glepo tautagu, ba vido glose nodi tharakna gna mae ihei teke nhaꞌa cheke na, ghotilo theome tangomana teke sabiri ba foli fapulo.

Esra 10:7

Hatimare mae lida igre ne fatei cheke ka vido te gnafa Jerusalem nei ka keha vido aheva te au ka nohi Juda, mala chekedi mei iheire teke pulo mei funudi Babilonia, mare mala mei ka kaisei faidu Jerusalem.

Esra 10:9

Ka thilo narane igre, mae iheire teke au ka phei nohidi Juda ghe Benjamin igre ne mei Jerusalem. Ka fatilo narane, ka varadaki naranegna faheva nhigra, mae te gnafa igre ne khapru mei ne gnokro soru pari ka glalaba ke ulugna nogna Sugablahi God. Nakhete biꞌo ne soru mei ka mare, mala buebugne mare, eghuteuna mare jaola ne fififri eigna gaoghathogna teke kilodi mare teke mei ka faidu igne.

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.