Esra 10:3 - Buka Blahi Ka Cheke Holo

³ Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Esra 10:3 ပူးပေါင်းရင်းမြစ်များ

Esra 9:4

Iara gnokro neu balu diꞌanagnafa ne ghilei thokeni vido mala fafara fei grafi na. Eghuteuna naikno te ghatho tahudi nogna cheke nomi God ghehati igne ne mhaghu nodi fara ka unha nate thoke mei naugna nakhibo te edi iheire teke pulo mei funudi Babilonia te theome leghudi nogna cheke God igre.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 119:59

Kate ghathodi iara puhimu iagho te keli gre eghuteuna filodi puhigu te theome raꞌe keli gre teuna, iara neke figri gaoghathogu na mala leghudi nou farirhiu iagho ra.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Fapea Kronikols 34:21

“Iara nei naiknodi Juda, nei keha naikno te au nga teu Israel igre eghu mala kafe laseni unha te magnahagheni Lord te mala eni ghehati na. Eghume ghotilo tei hironi gaoghathogna Lord eidi cheke te au ka buka teke filoni pris biꞌo igne. Lord na diꞌatagna fara ka tahati, naugna kuꞌeda tahati tifara neke theome leghuni chekegna Lord na nei theome edi unha mala edi tahati teku te chekedi ka buka na igre.”

Diutronomi 29:12

Gognarona ghotilo kafe kegra haghe agne mala eni nomi nhaꞌa cheke na ka Lord nomi God. Mana neke eni nhaꞌa cheke igne balumi ghotilo, eghuteuna ghotilo lasedi nogna cheke mana te thofno rheta fara igre.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Esra 10:44

Mae te gnafa igre tolaghi ka gaꞌase bongihehe. Eghuteuna mare koko khetodire neke kuru teidi balu thudi.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Josua 9:6

Mare ne tei ka mae Josua baludi naiknodi Israel te au teu Gilgal igre ne cheke eghu ka mare, “Ghehati mei funu ka kantri te khaba fara. Eghuteuna ghehati magnahaghei ghami ghotilo te eni kaisei nhaꞌa cheke balumi ghehati mala kaisei loku fodu tahati.”

Esra 10:9

Ka thilo narane igre, mae iheire teke au ka phei nohidi Juda ghe Benjamin igre ne mei Jerusalem. Ka fatilo narane, ka varadaki naranegna faheva nhigra, mae te gnafa igre ne khapru mei ne gnokro soru pari ka glalaba ke ulugna nogna Sugablahi God. Nakhete biꞌo ne soru mei ka mare, mala buebugne mare, eghuteuna mare jaola ne fififri eigna gaoghathogna teke kilodi mare teke mei ka faidu igne.

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.