Esra 10:14 - Buka Blahi Ka Cheke Holo

¹⁴ Eghume te ghathoni ghehati na, jame te keli na lisa lao ka noda mae lida tahati igre mala filo fakelini ghu mare puhi biꞌo igne, mala ke pulo ghu ghehati ka namonomi re. Ke leghu, mae iheire te tolaghi ka gaꞌase bongihehedi keha kantri igre ginauna faidu baludi mae lida nei mae mala fate teugna nogna namono na mala fadoglini puhi biꞌo igne. Ka puhi igne, diꞌatagna God eigna nakhiboda tahati te biꞌo igne ginauna gnafa.”

Esra 10:14 ပူးပေါင်းရင်းမြစ်များ

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Naba 25:4

Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Profet Isaia 12:1

Ghotilo nogna naikno God ra! Ka narane tuana, vikeda tahati ra ginauna koje kaisei khoje, khoje igne cheke eghu: “Lord! Iara cheke fakeli nigho! Tifa na, iagho neke diꞌatamu ka iara, nu gognarona diꞌatamu iagho ka iara na la gnafahi, eghuteuna iagho la fakeli nagnafa ghauhi iara.

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Diutronomi 17:9

Ghotilo mala cheke thakleni puhi biꞌo tuana ka mae pris ka vikegna Livae, ba cheke thakleni ka hatimare mae fate mae te fanomho ka narane tuana. Eigna mare te mala fateni na puhi biꞌo tuana.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Fapea Kings 23:26

Neubane eghu ngau, Lord diꞌatagna fabrahu ka glepo te diꞌa teke edi King Manase ka naiknodi Juda tifa ra.

Fapea Kronikols 28:11

Gognarona ghotilo fanomho mei ka iara! Lord na diꞌatagnahi ka ghotilo! Ghotilo ke kuru fapulodi kherami teke hata teke mei ghotilo are.”

Esra 10:13

Nu ghehati kmana fara te au teu ka vido igne, eghuteuna nakhete biꞌo jaola soru mei. Eghume ghehati theome tangomana te kegra teu kosi agne te fadoglini puhi igne. Eghuteuna puhi igne biꞌo fara theome tangomana te ghosei te doglo ka phei ba thilo narane kolho, naugna nakhibomi ghehati igne thono biꞌo fara.

Esra 10:15

Mare ne kelitadi ka cheke igne. Nu mae Jonatan thugna mae Asahel, ghe mae Jasea thugna mae Tikva, phiamae igre ne theome magnahagheni. Eghuteuna mae Mesulam balugna mae Sabetae kaisei mae Livaet, phiamare ne leghuni nodi gaoghatho phei mae igre.