Esra 1:6 - Buka Blahi Ka Cheke Holo

⁶ Keha naikno te au rhedi mare ka namono tuare na toghodi mare. Mare na falao glepo teke horo ka silva nei gol, nei glepo te nabadi mare ka nabrou, nei dongki te mala luja nodi glepo mare igre, nei jaola keha glepo te keli baludi gano leghuni unha te magnahagheni mare.

Esra 1:6 ပူးပေါင်းရင်းမြစ်များ

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Esra 8:33

Ka fafati narane na, ghehati hata ne tei gol nei silva nei dis teu igre ka nogna Sugablahi God na mala skel tahudi glepo igre. Kate skel te gnafa na, ghehati ne tusu lao glepo igre ka Pris Meremot, thugna mae Iuraea. Balugna mana re mae Pris Eleasa thugna mae Finehas, eghuteuna phei mae Livaet, mae Josabad thugna mae Jesua ghe mae Noadaea thugna mae Binui.

Esra 1:4

Jame keha Jiu ka igre au ka kaisei namono, naiknogna namono tuana mala toghodi naikno tuare mala ke figri mare. Naiknogna namono te au mare tuana ginauna falao silva nei gol ka mare, nei glepo mala tei nabrou, nei dongki mala luja nodi glepore. Eghuteuna mare ginauna jaola tangomana te tusu ranghidi gano leghuni unha te magnahagheni mare te mala tei ka nogna Sugablahi Lord Jerusalem.’ ”

Nehemaea 6:9

Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”

Profet Isaia 35:3

Jame te theome nheta khamemi ghotilo are, eghuteuna ghahemi ghotilo re glaꞌe teuna, ghotilo ke farerheta fapulo.

Eksodas 12:35

Mae Israel re ne leghuni unha teke chekeni mae Moses na ne tore keha gol, silva nei pohe eghu ka naiknodi Ijep re.

Eksodas 12:36

Lord ne tusu lao nafnakno biꞌo ka mae Israel gre ka tathadi mae Ijep gre, aonu mae Ijep gre ne tusu ranghidi mae Israel gre unha teke magnahaghei atha mare na. Eghuteuna ka puhi igne, mae Israel gre ne atha keha famane glepodi Ijep.

Ululahu Kronikols 29:9

Naiknore ne thofno kelitadi fara naugna hatimare mae biꞌo re ne magnahaghei fara te tusu lao kmana glepo ka Lord. Eghuteuna King Devet jaola ne kelitagna fara ne salaꞌui.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.