Eksodas 9:9 - Buka Blahi Ka Cheke Holo

⁹ U nakrofu igre ginau flalo tongana jateula gaughavu eghu heva heva ka namono te gnafa ke lamnagna Ijep. Kate khoko soru u nakrofu igne ka thinidi naikno, ba hose, dongki, kamel, buluka, sipu nei nanigot teu igre, u nhughe ginau jifla mei eghuteuna na phosa vuhai thubu biꞌo ka thinidire.”

Eksodas 9:9 ပူးပေါင်းရင်းမြစ်များ

Thakle 16:2

Mae engel ulu lahu na jifla ne tei totofa nogna dis na ke kligna nauthoglu. Eghuteuna thubu te diꞌa fara na ne thokedi naikno te au nogna fagaglana bosu na nei iheire te pogho soru ka mumuju gna bosu na.

Diutronomi 28:27

Lord ginauna para ghami ghotilo ka nhuge jateula naiknodi Ijep tifa ra eghu. Thinimi ghotilore ginauna thafru ka thubu te fodu ka glotho. Eghuteuna thinimi ghotilore ginauna gharo fabrahu, nu theo kaisei meresin te au teu te mala teke keli fapulo ghotilo na.

Thoutonu Eigna Mae Job 2:7

Aonu Satan jifla ne tei, eghuteuna mana ne edi thua nafnata thubu te diꞌa ka thinigna mae Job, funu ka phaꞌu tei posa ka ghahegna ro.

Diutronomi 28:35

Lord ginauna toku tafru ghahemi ghotilo are ka nhuge te theome tangomana te gnafa dire, funu ka ghahemi are haghe posa ka phaꞌumi ghotilo are.

Eksodas 9:8

Lord ne cheke eghu ka mae Moses ghe mae Eron, “Ghopa na tei atha keha nakrofu ka suga te mala kuki brik gno mala tei ka mae king. Kate lao te khegra ghopa ke ulugna mae king na, iagho mae Moses mala koko haghe kligna u nakrofu tuare ke ulugna mae king.

Eksodas 9:10

Aonu mae Moses ghe mae Eron ne atha nakrofu ka suga te mala kuki brik na ne tei ne kegra ke ulugna mae king gna Ijep. Mae Moses ne koko haghe nakrofu igre ka maloa na. Eghuteuna u nakrofu igre ne khoko soru ne vuhai nhughe. Nhughe igre ne phosa ne vuhai thubu biꞌo ka thinidi naikno ba ka thinidi nodi gobigna lepo teke oho mae Ijep re.