Eksodas 9:8 - Buka Blahi Ka Cheke Holo

⁸ Lord ne cheke eghu ka mae Moses ghe mae Eron, “Ghopa na tei atha keha nakrofu ka suga te mala kuki brik gno mala tei ka mae king. Kate lao te khegra ghopa ke ulugna mae king na, iagho mae Moses mala koko haghe kligna u nakrofu tuare ke ulugna mae king.

Eksodas 9:8 ပူးပေါင်းရင်းမြစ်များ

Eksodas 8:16

Aonu Lord neke cheke eghui ka mae Moses, “Iagho tei cheke ka mae Eron mala atha haghe mana nogna khodo na mala puphuri ka glose na. Eghuteuna gaughavu glosegna Ijep gne ginau figri nake vuhai khakaramahe.” Phiamare leghuni chekegna Lord na ne eni igne.

Eksodas 9:7

Mae king ne ghusna eghu ka nogna naiknore, “Ba? Nodi hose, dongki, kamel, buluka, sipu nei nanigot teure e keli au kolho ba theo?” Keha naiknore ne cheke eghu ka mana, “Uve, kafe keli au kolho, theo kaisei te lehe na.” Nu mae king ne maku fara nagnafagna na ne tirogna snakre teidi naiknore.

Eksodas 9:9

U nakrofu igre ginau flalo tongana jateula gaughavu eghu heva heva ka namono te gnafa ke lamnagna Ijep. Kate khoko soru u nakrofu igne ka thinidi naikno, ba hose, dongki, kamel, buluka, sipu nei nanigot teu igre, u nhughe ginau jifla mei eghuteuna na phosa vuhai thubu biꞌo ka thinidire.”

Eksodas 9:10

Aonu mae Moses ghe mae Eron ne atha nakrofu ka suga te mala kuki brik na ne tei ne kegra ke ulugna mae king gna Ijep. Mae Moses ne koko haghe nakrofu igre ka maloa na. Eghuteuna u nakrofu igre ne khoko soru ne vuhai nhughe. Nhughe igre ne phosa ne vuhai thubu biꞌo ka thinidi naikno ba ka thinidi nodi gobigna lepo teke oho mae Ijep re.