Eksodas 9:28 - Buka Blahi Ka Cheke Holo

²⁸ U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Eksodas 9:28 ပူးပေါင်းရင်းမြစ်များ

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Eksodas 8:28

Aonu, mae king ne cheke eghu ka mae Moses, “Iara na snakre ghami ghotilo mala tei ghotilo mala fafara ka nomi Lord God na. Nu thosei tei fakhaba ghotilo eghu, nei thosei ghatho iho ghau iara ka nomi tharai na eghu.”

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Eksodas 11:1

Kate thafru nga teu Ijep ka gromno igne na, Lord ne cheke eghu ka mae Moses, “Iara ginau na falaseni ghu mae king nei nogna naiknore eghu ka nau papara leghu lahu igne. Ke leghugna te eni iara igne sini ame kafe brue fajifla ghami nga mae king ka vido te au ghotilo igne eghu.

Eksodas 8:25

Aonu mae king neke kilodi mae Moses ghe mae Eron mala tei filoni mana. Kate posa mei phiamare, mana ne cheke eghu ka phiamare, “Ghotilo filoni kaisei vido agne Ijep ngala mala fafara ka nomi God na.”

Eksodas 10:8

Aonu mare ne athadi mae Moses ghe mae Eron neke pulo mei ka mae king. Mae king ne cheke eghu ka phiamare, “Uve, gognaro na ghotilo tangomana te tei te mala pogho soru ka nomi Lord God na. Nu ulu lahu na, iara magnahagheni te laseni iheire gre nate teire eghu?”

Eksodas 10:24

Mae king ne kiloni mae Moses ne cheke eghu ka mana, “Ghotilo tangomana te tei tarai ka Lord na. Eghuteuna atha khetomi nei thumi teu are balumi eghu. Nu buluka, sipu nei nanigot teu are mala lilisei faleghu au agne Ijep.”

Ululahu Samuel 12:19

Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Ululahu Kings 13:6

Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Profet Jeremaea 21:2

“Tarai ka Lord mala fakarhi ghita, naugna mae Nebukadnesa mae king gna Babilonia balu nogna soldia meihi mala magra ka tahati. Glahu eni Lord kaisei kofubobhoi jateula teke eni mana tifa ia eghu, mala ke figri mae king igne balugna nogna armi na.”

Eksodas 8:4

Groma tuare ginau na gasa haghe thoti ka thinigna mae king na, nei na jaola ka thinidi nogna mae funei nei naikno teu mana re.”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.