Eksodas 9:27 - Buka Blahi Ka Cheke Holo

²⁷ Aonu mae king ne fatei cheke ka mae Moses ghe mae Eron mala tei phiamare ka mana. Kate tei phiamare ka mana na, mana ne cheke eghu ka phiamare, “Phia mae, iara la thofno nakhibogu biꞌo fara, Lord na doglou kolho. Te iara nei nogu naikno iara teu nga gre te jafra na.

Eksodas 9:27 ပူးပေါင်းရင်းမြစ်များ

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Nodi Khoje Hatimare Mae Jiu 129:4

Nu Lord mae ihei te doglo fara na, mana neke atha fadelei ghitahi ka naikno te diꞌa tuare.

Fapea Kronikols 12:6

Aonu king baludi mae lida igre ne nhaꞌa faparidi thedi ne cheke eghu, “Tutuani, Lord na doglou kolho.”

Eksodas 10:16

Aonu mae king ne ghosei ne fatei cheke ka mae Moses ghe mae Eron mala tei phia mare ka mana. Kate tei phia mare ka mana na, mana ne cheke eghu ka phia mare, “Iara la thofno nakhibogu fara ranghini nomi Lord God ghotilo na, nei ranghi ghami la ngau ghopa eghu.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Profet Daniel 9:14

Lord, iagho tarabanahi te mala para ghami ghehati na, naugna iagho eni kolho unha puhi te doglo na, nu ghehati theome tangomana te leghuni nou cheke iagho na.

Naba 22:34

Nu mae Balam ne cheke eghu ka engel na, “Uve, iara la jafrahi. Iara theome laseni te kegra teu iagho te fanogra ghau iara ka nabrou ia. Jame te theome doglo te tei iara na teu iagho na, iara ginauna ke pulo kolho ka namono eghu.”

Ululahu Samuel 26:21

Aonu mae Sol ne cheke eghu, “Ghema Devet, thofno tututani fara. Puhi te eni iara igne thofno diꞌa fara. Thuguo, ke pulo mei. Iara ginauna na theome falehe nigho, naugna iagho ne ghatho tahu ghau iara, eghuteuna bongi ia iagho neke theome falehe ghau iara. Iara naikno fameomekro fara te eni glepo te diꞌa igne ka iagho.”

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Ululahu Samuel 15:30

Aonu mae Sol ne cheke eghu, “Uve, iara la edihi glepo te diꞌa re, nu iagho ghatho tahu ghau iara ka tathajidi goro mae biꞌo te gnafa gre, nei ka tathadi naikno gre eghu. Mei sagho mala pulo tapa pogho soruni nou Lord God iagho na.”

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 8:25

Aonu mae king neke kilodi mae Moses ghe mae Eron mala tei filoni mana. Kate posa mei phiamare, mana ne cheke eghu ka phiamare, “Ghotilo filoni kaisei vido agne Ijep ngala mala fafara ka nomi God na.”

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Josua 7:20

Aonu mae Ekan ne cheke eghu ka mae Josua, “Tutuani fara, iara la jafrahi ke ulugna God, noda Lord. Uve, igne unha teke eni iara na:

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.