Eksodas 9:23 - Buka Blahi Ka Cheke Holo

^23-24 Kate tusu haghe mae Moses nogna khodo na ka maloa na, Lord ne fagafui maloa na ka khoveo ne romno soru, aonu nakhete thina aes na ne funu soru mei ka vido te gnafa ka kantri Ijep. Aonu fila na poha ne inge ka maloa na, eghuteuna u nakafli na ne sigla ulu leghu funu kligna ne soru mei ka glose na. Igne ngala u nakhete thina ulu lahu te thono biꞌo fara teke eni jare Ijep na. Tifa na mare neke theome filoni kaisei nakhete jateula igne teku na. Thono theo fara.

Eksodas 9:23 ပူးပေါင်းရင်းမြစ်များ

Nodi Khoje Hatimare Mae Jiu 18:13

Lord na au neu kligna ne cheke fabiꞌo jateula fila neu ka maloa na. God au neu kligna ka maloa na ne cheke, eghuteuna khaꞌaghi nei nakhete thina teure ne khoko ne soru pari.

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Profet Esikiel 38:22

Iara ginauna paradi fara mae igre. Iara ginauna falehedi ka fogra nei ka magra. Iara ginauna snakre mei nakhete biꞌo balu thina aes, nei khaꞌaghi balu thina ngire nei sisibe brana te deudeplu mala khoko soru ka mana baludi nogna soldia mana re, nei ka naiknodi keha kantri te loku fodu balugna mana.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.

Nodi Khoje Hatimare Mae Jiu 148:8

Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Nodi Khoje Hatimare Mae Jiu 29:3

Naiknore nomhini naoglagna Lord na ke kligna nhorora. Naugna nolaghi Lord na oaꞌongha jateula fila eghu, eghuteuna chekegna mana na oaꞌongha ke kligna nhorora.

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Thakle 16:18

Ka vido tuana ne nakafli, fila, nei nakheu biꞌo. Nakheu igne ngala te thofno biꞌo fara na. Funu ka narane teke vuvuhani God naikno na te mala au ka nauthoglu igne, theo kaisei nakheu te biꞌo jateula igne teuna.

Jenesis 19:24

Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Eksodas 9:18

Fanomho sagho, jateula vido narane gognaro gne teu nathuꞌu na, iara ginau na kuru mei kaisei nakhete thina aes mala soru mei ka ghotilo agne Ijep. Jame igne ngala u nakhete thina aes te biꞌo fara salaꞌudi nakhete biꞌo teke filodi tifa ra, ginauna thoke mei agne Ijep funu tifa te ghilei mei posa ka narane gognaro gne.

Thoutonu Eigna Mae Job 37:13

Keha fata mana kuru mei nakhete mala faboubothu glose nei fakakhana nogna namha na. Nu mana jaola tangomana te famei glepo igre mala paradi naiknore.

Nodi Khoje Hatimare Mae Jiu 147:17

Mana kuru mei nakhete maku mala soru mei jateula thina eghu, eghuteuna theo kaisei naikno te tangomana te au fakeli ka vido te reka fara na.