Eksodas 9:19 - Buka Blahi Ka Cheke Holo

¹⁹ Eghume iagho gognarona faghose tei cheke ka mae nalhaꞌu te gnafa ra mala atha posa nomi hose, dongki, kamel, buluka, sipu, nanigot ba unha te au teu ka nomi nagare ra mala lilisei ka vido te keli ke lamna suga. Nakhete thina na ginau soru mei ke klignadi naikno te gnafa nei ke klignadi gobigna lepo te gnafa teu te au teu ke kosigna suga. Jame te theome atha te posa mare na, glepo igre ginau na kafe lehe.’ ”

Eksodas 9:19 ပူးပေါင်းရင်းမြစ်များ

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Eksodas 9:6

Mae king ne tirogna fanomho ka cheke igre. Aonu ka keha narane na, Lord ne leghuni nogna nhaꞌa cheke na, aonu nodi hose, dongki, kamel, buluka, sipu nei nanigot teu mae Ijep re ne kafe lehe, nu nodi mae Israel re ne theo kaisei te lehe na.

Eksodas 9:25

U nakhete thina aes igne ne kafe falehedi naikno te gnafa nei nodi glepo teke oho te gnafa nei ghedi gano te au ka nagare te gnafa, ba thua nafnata gaju te mala ghamu sisidire ne kafe klopa ne gnafa.

Nodi Khoje Hatimare Mae Jiu 78:48

Nodi bulukare neke jaola neke lehe ka aes, nei nodi sipu nei nanigot teure neke lehe ka nakafli.