Eksodas 9:18 - Buka Blahi Ka Cheke Holo

¹⁸ Fanomho sagho, jateula vido narane gognaro gne teu nathuꞌu na, iara ginau na kuru mei kaisei nakhete thina aes mala soru mei ka ghotilo agne Ijep. Jame igne ngala u nakhete thina aes te biꞌo fara salaꞌudi nakhete biꞌo teke filodi tifa ra, ginauna thoke mei agne Ijep funu tifa te ghilei mei posa ka narane gognaro gne.

Eksodas 9:18 ပူးပေါင်းရင်းမြစ်များ

Nodi Khoje Hatimare Mae Jiu 83:15

Mei sagho jateula saeklon biꞌo ra eghu. Uve, famamhagudi sagho ka nuri khoburu biꞌo.

Fapea Kings 7:1

Nu mae Elisa ne cheke eghu, “King! Fanomho mei ka nogna cheke Lord igne! Nathuꞌu jateula gognarogne teuna, praes di glima kilo flaoa re thono pari fara ka kaisei silva koen kolho, eghuteuna nabotho kilo bali na kaisei silva kolho eghu ka grengatha gna namono biꞌo Samaria!”

Ululahu Kings 20:6

Nu nathuꞌu na jateula gognarogne teuna, iara ginauna kurudi nogu mae funei gre mala ari filo ka sugamu iagho na, nei ka sugadi nou mae funei iagho are eghu. Unha te magnahagheni mare na, mare ginauna hata baludi tei.”

Ululahu Kings 19:2

Aonu Kuin ne fatei cheke igne ka mae Elija, “Iara ginauna falehe nigho iagho jateula teke falehedi iagho nogna profet Baal ra eghu. Nathuꞌu jateula gognarogne teuna, iagho ginauna lehe. Jame te theome eni iara igne na, god tuare tangomana te falehe ghau iara na.”

Fapea Kings 7:18

Glepo igre ne thofno thoke mei jateula teke kulu cheke eghu mae Elisa nogna mae profet God ka king ia neu, “Nathuꞌu jateula gognarogne teu na, mare ginauna foli glima kilo flaoa ka kaisei silva, eghuteuna nabotho kilo bali ka kaisei silva eghu ka grengatha gna namono biꞌo Samaria.”

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Eksodas 9:17

Nu iagho ne maku fara nagnafamu na ne theome snakredi nogu naikno iara gre mala tei neu.

Thoutonu Eigna Mae Job 37:13

Keha fata mana kuru mei nakhete mala faboubothu glose nei fakakhana nogna namha na. Nu mana jaola tangomana te famei glepo igre mala paradi naiknore.

Thoutonu Eigna Mae Job 38:22

“Ba, iagho thokenihi suga aheva te tathaji iara thina aes na?

Eksodas 10:6

Nou suga biꞌo iagho are, sugadi hatimare mae funei are nei keha suga te gnafa teu Ijep igre ginau na fodu salaꞌui. Tifa na mae kmami nei kuꞌemi teu ghotilore neke theome filoni te kmana te salaꞌui jateula igne teuna. Thono theo fara ngala.” Kate cheke te gnafa ka mae king na mae Moses figri ne jifla kosi.

Eksodas 10:14

ne thafru tongana ka vido te gnafa ka kantri Ijep. Tifa na neke theo kaisei naikno teke filoni te kmana fara cheche jateula tuana teku Ijep na, nei na teke filoni te kmana fara jateula tuana teu ginau na.

Eksodas 11:6

Naiknore ginau na diꞌanagnafa nei tanhi fabiꞌo eghu heva heva ka vido te gnafa ke lamnagna Ijep. U nafnata natanhi igne neke theome nomhini tifa na, eghuteuna ginau na nake jaola nake theome nomhini ke leghugna igne na.

Thoutonu Eigna Mae Job 38:23

Iara tathaji glepo igre, tarabana kolho maladi narane te thoke mei puhi biꞌo nei ka magra.