Eksodas 9:14 - Buka Blahi Ka Cheke Holo

¹⁴ Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Eksodas 9:14 ပူးပေါင်းရင်းမြစ်များ

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Thakle 22:18

Iara mae Jone cheke faheta ka ghotilo te nomhidi chekegna God te au ke lamnagna buka igne. Tutuani jame ihei teke lisei lao keha cheke baludi cheke tela auhi ka buka na igre, God ginauna nake lisei lao keha papara ka mana tela kulu chekenihi ka buka igne.

Thakle 18:8

Naugna igne kmana papara biꞌo ginauna thokeni naꞌa ke lamnagna kaisei narane kolho. Tutuani ginauna fograre nei glehe rofo na mei, eghuteuna naꞌa ginauna tanhi fabiꞌo eigna te kabru ghegna na. Eghuteuna naꞌa ginauna nhako ka khaꞌaghi. Naugna Lord God mae ihei te fateni namono igne thono nafnakno fara.”

Profet Maeka 6:13

Eghuteuna naugna te tapla jafra fabrahu ghotilo gne, iara na goigoni fahui ghami ghotilo.

Profet Jeremaea 19:8

Iara ginauna goigoni namono igne, eghuteuna naikno te filoni igne ginauna cheke fadiꞌani. Iheire te salaꞌu ka vido igne ginauna mare rhana fara cheke fadiꞌani.

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Ululahu Kronikols 17:20

“Lord, iagho thofno haghe fara! Theo kaisei jateula iagho teuna. Ghehati nomhini ka kuꞌemi ra te kaisei iagho ngala God na.

Ululahu Kings 8:38

Jame te eghu na, iagho fanomho mei ka nodi tharai nou naikno iagho te au Israel igre. Lord iagho ngala te laseni unha te au ka thiꞌagna naikno na. Kehare theome gleale'a ka nagnafadire, eghuteuna mare tarai ari ka Sugablahi igne. Mare ngafa haghe khamedire na tarai ari ka iagho, neuba iagho ne au neu kligna, fanomho mei ka nodi tharai gre. Naugna iagho laseni unha te au ka thiꞌagna naikno na, iagho tangomana te fadoglini unha teke edi mare na.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Ululahu Samuel 4:8

Nodi God mare igne au nogna nolaghi! Mae ihei gne te tangomana nate hata fajifla ghita ka nogna nolaghi mana na? Igne ngala god mae ihei teke kuru mei puhi biꞌo teke falehedi maedi Ijep ka namono nagou ia.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Levitikas 26:21

“Eghuteuna jame te theome keli ranghi ghau iara ghotilo na, nei theome leghu ghau iara teuna, iara ginauna thofno para ghami ghotilo fabrahu eidi nakhibomi ghotilo re.

Levitikas 26:18

“Eghuteuna jame ghotilo theome leghu ghau iara ke leghudi papara igre, iara ginauna para ghami ghotilo fitu fata salaꞌudi nakhibomi ghotilo re.

Eksodas 9:15

Uve, jame magnahaghei te para nigho baludi nou naikno gre ka khabru biꞌo meula iara na, ghotilo jame kafe lehe hui. Naugna iara au nogu nolaghi biꞌo.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Profet Isaia 45:5

Kaisei Iara ngala Lord na. Theo kaisei god aheva nga te au na. Neuba iagho ne theome lase ghau iara, iara ginauna farheta nigho iagho mala magra.

Profet Jeremaea 10:7

Naikno te gnafa igre mala ghatho tahu nigho iagho, naugna iagho king frunidi kantri te gnafa igre. Theo kaisei mae glalase ba mae king te jateula iagho teu ka vido te gnafa ka nauthoglu igne.

Profet Daniel 5:21

Naiknore neke khi fajiflani mana ka nogna suga na. Aonu gaoghathogna mana na jateula gaoghathodi glepo te tautagu ka namhata are eghu. Mana neke au balu dongki neke ghamu buburu jateula buluka neku. Eghuteuna mana neke thuru fabrahu farihotei glalaba, neke soru mei nakhete bongiro na ke kligna na. Mana neke au fabrahu jateula igne neku neke ghilei thoke mei narane te filo glani mana God mae ihei te fnakno kligna na, nei mae ihei te funei frunidi naikno te gnafa ka nauthoglu igne. Eghuteuna God na tangomana te vahini mae ihei te nabagna te mala king frunidi namono igre.

Eksodas 8:6

Aonu mae Eron ne leghuni chekegna Lord na ne loku haghe nogna khodo na ke kligna khoꞌu biꞌo, eghuteuna groma na ne haghe ne thafru kantri thongana na.