Eksodas 9:12 - Buka Blahi Ka Cheke Holo

¹² Nu Lord ne famamhaku nagnafagna mae king na ne tirogna fanomho ka nodi cheke mae Moses ghe mae Eron re, jateula teke chekenihi thegna Lord ia neu.

Eksodas 9:12 ပူးပေါင်းရင်းမြစ်များ

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Jone 12:40

“God neke fadodofu tathadire nei famamhaku nagnafadire. Naugna igne gognaro na tathadire la dofuhi nei nagnafadire la ihohi. Naugna igne mare ginauna theome ke pulo mei ka iara mala fakarhidi.”

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 10:1

Ke leghugna igne, Lord neke cheke eghu ka mae Moses, “Moses, iagho ke pulo mala ke tei filoni king gna Ijep. Eigna iara neke famamhaku nagnafagna king na nei nagnafadi hatimare nogna mae funei mana re eghu, mala tangomana iara te eꞌei kofubobhoi igne ke uludi mare.

Eksodas 10:20

Nu Lord ne famamhaku nagnafagna mae king na ne tirogna snakre teidi naiknodi Israel re.

Eksodas 11:10

Mae Moses ghe mae Eron ne edi kmana kofubobhoi ke ulugna mae king, nu Lord ne famamhaku nagnafagna mae king na. Eghuteuna mae king ne tirogna snakredi naiknodi Israel re te jifla ka nogna kantri na.

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Eksodas 9:7

Mae king ne ghusna eghu ka nogna naiknore, “Ba? Nodi hose, dongki, kamel, buluka, sipu nei nanigot teure e keli au kolho ba theo?” Keha naiknore ne cheke eghu ka mana, “Uve, kafe keli au kolho, theo kaisei te lehe na.” Nu mae king ne maku fara nagnafagna na ne tirogna snakre teidi naiknore.