Eksodas 9:10 - Buka Blahi Ka Cheke Holo

¹⁰ Aonu mae Moses ghe mae Eron ne atha nakrofu ka suga te mala kuki brik na ne tei ne kegra ke ulugna mae king gna Ijep. Mae Moses ne koko haghe nakrofu igre ka maloa na. Eghuteuna u nakrofu igre ne khoko soru ne vuhai nhughe. Nhughe igre ne phosa ne vuhai thubu biꞌo ka thinidi naikno ba ka thinidi nodi gobigna lepo teke oho mae Ijep re.

Eksodas 9:10 ပူးပေါင်းရင်းမြစ်များ

Diutronomi 28:27

Lord ginauna para ghami ghotilo ka nhuge jateula naiknodi Ijep tifa ra eghu. Thinimi ghotilore ginauna thafru ka thubu te fodu ka glotho. Eghuteuna thinimi ghotilore ginauna gharo fabrahu, nu theo kaisei meresin te au teu te mala teke keli fapulo ghotilo na.

Eksodas 9:8

Lord ne cheke eghu ka mae Moses ghe mae Eron, “Ghopa na tei atha keha nakrofu ka suga te mala kuki brik gno mala tei ka mae king. Kate lao te khegra ghopa ke ulugna mae king na, iagho mae Moses mala koko haghe kligna u nakrofu tuare ke ulugna mae king.

Eksodas 9:9

U nakrofu igre ginau flalo tongana jateula gaughavu eghu heva heva ka namono te gnafa ke lamnagna Ijep. Kate khoko soru u nakrofu igne ka thinidi naikno, ba hose, dongki, kamel, buluka, sipu nei nanigot teu igre, u nhughe ginau jifla mei eghuteuna na phosa vuhai thubu biꞌo ka thinidire.”

Eksodas 9:11

Hatimare mae meresin theome tangomanadi te mei khegra ke ulugna mae Moses na. Naugna hatimare mae Ijep te gnafa re kafe nhughe hui, neubane mae meresin mare ne jaola ne nhughe.