Eksodas 8:8 - Buka Blahi Ka Cheke Holo

⁸ Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 8:8 ပူးပေါင်းရင်းမြစ်များ

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Ululahu Kings 13:6

Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Ululahu Samuel 12:19

Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Eksodas 14:5

Kate nomhini mae king gna Ijep na tela rikhahi naiknodi Israel re, mana nei nogna mae funei re eghu neke tughu gaoghatho ne cheke eghu fari thedi, “Tore, tahati thono fameomekro fara! Filo si ghotilo, tahati snakredi mae Israel ra la rikha la tei nodi. Eghume gognaro na tahati la theo noda mae sneka te mala edi noda gloku tahati gre eghu.”

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Eksodas 8:9

Mae Moses ne cheke eghu ka mae king, “Uve, tuana thofno keli fara, iara magnahaghei nigho iagho te lilisei kaisei narane te mala tarai di iara groma gre te mala thosei ke mei au ka sugamu iagho gne, nei sugadi hatimare nou mae funei nei naikno teu iagho gre eghu, mala tei au kolho jare ka Khoꞌu biꞌo Nael.”

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Eksodas 8:29

Aonu mae Moses ne cheke eghu ka mana, “Uve, iagho mae king biꞌo, kate jifla te tei na, iara na tarai nigho iagho ka Lord, eghuteuna nathuꞌu na iagho na theome filoni kaisei khare ka sugamu iagho na baludi sugadi hatimare mae funei nei naikno teure. Nu thosei chaghi ghami ghehati nei thosei fanograni u nabrou te mala tei naiknore te mala fafara ka Lord na eghu.”

Eksodas 8:32

mae king neke maku fapulo nagnafagna na neke theome snakredi naiknore.

Eksodas 9:27

Aonu mae king ne fatei cheke ka mae Moses ghe mae Eron mala tei phiamare ka mana. Kate tei phiamare ka mana na, mana ne cheke eghu ka phiamare, “Phia mae, iara la thofno nakhibogu biꞌo fara, Lord na doglou kolho. Te iara nei nogu naikno iara teu nga gre te jafra na.

Eksodas 10:16

Aonu mae king ne ghosei ne fatei cheke ka mae Moses ghe mae Eron mala tei phia mare ka mana. Kate tei phia mare ka mana na, mana ne cheke eghu ka phia mare, “Iara la thofno nakhibogu fara ranghini nomi Lord God ghotilo na, nei ranghi ghami la ngau ghopa eghu.

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Eksodas 10:18

Aonu phia mare ne jifla ka sugagna mae king na ne tei tarai ka Lord.

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.