Eksodas 8:6 - Buka Blahi Ka Cheke Holo

⁶ Aonu mae Eron ne leghuni chekegna Lord na ne loku haghe nogna khodo na ke kligna khoꞌu biꞌo, eghuteuna groma na ne haghe ne thafru kantri thongana na.

Eksodas 8:6 ပူးပေါင်းရင်းမြစ်များ

Nodi Khoje Hatimare Mae Jiu 105:30

Vido te gnafa heva heva ka nodi kantri mare na ne fodu ka groma. Neubane sugagna mae king fodula ka groma.

Nodi Khoje Hatimare Mae Jiu 78:45

Mana neke kuru mei sisimi mala kathidi nei paradi eghu mare, mana jaola neke kuru mei groma mala goigoni namonodire.

Thakle 16:13

Eghuteuna iara jaola ne filodi thilo naiture ne jateula groma neu. Thilo groma igre ne jifla mei, kaisei ka foflogna pholi biꞌo na, nei kaisei ka foflogna bosu na, nei kaisei ka foflogna mae profet te chaichaghi na.

Levitikas 11:12

Gobigna lepo te au ke lamna khoꞌu ba ke lamna thongna te theome au thingodi nei khapudi teu igre, ghotilo lasedi glepo igre thono diꞌa fara.

Eksodas 7:19

Aonu, Lord na neke cheke eghui ka mae Moses, “Iagho nake cheke ka mae Eron mala loku haghe mana nogna khodo na ke kligna khoꞌu. Eghuteuna khoꞌu biꞌo te gnafa, jari te gnafa, grano te gnafa nei kholo te gnafa teu te au heva te heva ke lamnagna kantri Ijep na te ghilei posa ka baket nei botol teure ne kafe vuhai dadara.”

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Fapea Kronikols 6:14

Aonu mana ne tarai eghu, “Lord, nomi God ghehati maemi Israel, theo kaisei god aheva nga kligna ba ka nauthoglu igne te jateula iagho teuna. Iagho leghuni nou nhaꞌa cheke na ne ghatho tahudi nou naikno iheire te thofno magnahaghei te leghuni puhimu iagho na.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.