Eksodas 8:28 - Buka Blahi Ka Cheke Holo

²⁸ Aonu, mae king ne cheke eghu ka mae Moses, “Iara na snakre ghami ghotilo mala tei ghotilo mala fafara ka nomi Lord God na. Nu thosei tei fakhaba ghotilo eghu, nei thosei ghatho iho ghau iara ka nomi tharai na eghu.”

Eksodas 8:28 ပူးပေါင်းရင်းမြစ်များ

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Ululahu Kings 13:6

Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Profet Hosia 10:2

Mae igre thofno mae chaichaghi fara, eghuteuna mae igre ginauna au papara eidi nakhibo teke edi mare igre. Uve, na theome raugha God ginauna paꞌe soru olta igre. Eghuteuna mana ginauna puri nguanguja thina teke fakegra haghe mare igre.

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Eksodas 8:29

Aonu mae Moses ne cheke eghu ka mana, “Uve, iagho mae king biꞌo, kate jifla te tei na, iara na tarai nigho iagho ka Lord, eghuteuna nathuꞌu na iagho na theome filoni kaisei khare ka sugamu iagho na baludi sugadi hatimare mae funei nei naikno teure. Nu thosei chaghi ghami ghehati nei thosei fanograni u nabrou te mala tei naiknore te mala fafara ka Lord na eghu.”

Eklesiasti 6:10

Gobigna lepo te filodi tahati gognaro igre God neke lilisei nanghadi. Eghuteuna God na neke kulu lasedihi puhida tahati naiknore. Eghume, tahati theome tangomana te fapholai balugna God mae ihei te rheta ulu ghita igne.

Eksodas 8:15

Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.

Eksodas 3:19

Nu iara lasenihi eigna king gna Ijep ginauna theome snakre ghami ghotilo te tei na, jame te theome huhuruni iara mana te mala eni igne.

Eksodas 7:13

Mae king filoni igne ne famamhaku u nagnafa gna na jateula teke chekeni Lord ia neu ne tirogna fanomho ka mae Moses ghe mae Eron.