Eksodas 8:22 - Buka Blahi Ka Cheke Holo

²² “ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Eksodas 8:22 ပူးပေါင်းရင်းမြစ်များ

Eksodas 9:4

Nu Lord ginau na reireghi fakelidi nodi mae Israel re, eghuteuna na theo kaisei ka nodi mare igre nate lehe na.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Eksodas 10:23

Ka vido tuana naiknodi Ijep igre theome tangomana te fari filoi na, ba theome tangomana te jifla ka sugadi re. Nu ka vido te au teu maedi Israel gre na, jare na phaeu ngala, theome romno.

Profet Esikiel 30:19

Ka puhi igne iara ginauna parani Ijep, mala thofno laseni mare te iara Lord.’ ”

Eksodas 9:6

Mae king ne tirogna fanomho ka cheke igre. Aonu ka keha narane na, Lord ne leghuni nogna nhaꞌa cheke na, aonu nodi hose, dongki, kamel, buluka, sipu nei nanigot teu mae Ijep re ne kafe lehe, nu nodi mae Israel re ne theo kaisei te lehe na.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Eksodas 9:26

Eghume kaisei nohi Gosen aheva te au mae Israel gre ngala te theome soru mei tagna u nakhete thina aes na.

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Eksodas 7:17

Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Nodi Khoje Hatimare Mae Jiu 74:12

God, neubane eghu ngau, iagho funu tifa te mei na neke nomi king ngala ghehati, kmana fata iagho neke fakarhi ghami ghehati.

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 8:21

Jame te theome snakre teidi iagho nogna naikno manare, mana ginau na kuru mei kmana khare ka iagho, nei ka hatimare nou mae funei nei ka nou naikno teu iagho gre eghu. Kmana fara khare ginau mei fodu ka nomi suga ba ka vido aheva nate kegra teu ghotilo na.

Eksodas 8:23

Mana ginauna theome kuru tei kaisei khare ka nogna naikno mana re. Fanomho sagho, u kofubobhoi igne ginauna thoke mei nathuꞌu ngala.’ ”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Eksodas 20:11

Naugna ka fafamno narane na iara Lord neke vuavuhadi nauthoglu, maloa, nhorora nei gobi nafnotu fateote'o te au ke lamnadi. Nu ka fafitu narane na, iara neke gnafa. Naugna igne, iara Lord neke fablahini narane Sabat gne mala nogu narane iara.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”