Eksodas 8:15 - Buka Blahi Ka Cheke Holo

¹⁵ Nu kate filoni mae king teke la theohi kaisei groma jare teke la keli fapulohi gobigna lepore, mana neke maku fapulo nagnafagna na jateula teke chekeni Lord ia neu ne tirogna fanomho ka unha te chekedi mae Moses ghe mae Eron igre.

Eksodas 8:15 ပူးပေါင်းရင်းမြစ်များ

Profet Isaia 26:10

Neuba iagho ne namhadi naikno te diꞌa igre, mare ginauna na theome laseni kolho puhimu iagho te doglo na. Eghuteuna neuba mare ne au farihoteidi naikno te doglo igre, mare ginauna leghudi fabrahu kolho puhi te diꞌare, eghuteuna mare theome tangomana te filo glani nigho iagho King te haghe fara na.

Hibru 3:15

Ghotilo tangomana te eni igne leghuni unha te cheke eghu ka grioriso te blahi na, “Gognaro na fanomho fakeli ka mana. Thosei patugama nagnafami are, jateula teke eni mae ku'emi tifa teke huhughuni chekegna God na. Mare neke fariuriuni mana ke lamnagna namono nagou.”

Hibru 3:8

Thosei patugama nagnafami are, jateula teke eni mae ku'emi tifa teke huhughuni chekegna God. Mare neke edi unha te theome magnahaghedi mana re ke lamnagna namono nagou na.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 14:5

Kate nomhini mae king gna Ijep na tela rikhahi naiknodi Israel re, mana nei nogna mae funei re eghu neke tughu gaoghatho ne cheke eghu fari thedi, “Tore, tahati thono fameomekro fara! Filo si ghotilo, tahati snakredi mae Israel ra la rikha la tei nodi. Eghume gognaro na tahati la theo noda mae sneka te mala edi noda gloku tahati gre eghu.”

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Thakle 16:9

Neubane thunu ngau, naiknore heta ghedi te cheke faparini nanghagna God mae ihei te au nolaghi frunidi papara biꞌo igre. Nu naiknore ne tirodi tughu nagnafa nei tirodi pala hagheni neu nanghagna God na.

Profet Hosia 6:4

Aonu Lord ne cheke eghu, “Ghotilo naiknomi Israel nei Juda teura, unha nate eni iara ka ghotilo na? Uve, ghotilo namha ghau iara nabagna kaisei narane kolho, theome raugha. Nomi namha ghotilo na jateula khoveo ke kligna thogele ra eghu kolho, ba jateula nabubla te ghosei te blalho te dofidi kate haghe naprai na hamerane boibongi ra eghu kolho.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 8:14

Naiknore ne salo fodu groma te lehere, eghuteuna kantri thongana na ne funu siri ne apo.

Eksodas 8:16

Aonu Lord neke cheke eghui ka mae Moses, “Iagho tei cheke ka mae Eron mala atha haghe mana nogna khodo na mala puphuri ka glose na. Eghuteuna gaughavu glosegna Ijep gne ginau figri nake vuhai khakaramahe.” Phiamare leghuni chekegna Lord na ne eni igne.

Eksodas 8:28

Aonu, mae king ne cheke eghu ka mae Moses, “Iara na snakre ghami ghotilo mala tei ghotilo mala fafara ka nomi Lord God na. Nu thosei tei fakhaba ghotilo eghu, nei thosei ghatho iho ghau iara ka nomi tharai na eghu.”

Eksodas 8:29

Aonu mae Moses ne cheke eghu ka mana, “Uve, iagho mae king biꞌo, kate jifla te tei na, iara na tarai nigho iagho ka Lord, eghuteuna nathuꞌu na iagho na theome filoni kaisei khare ka sugamu iagho na baludi sugadi hatimare mae funei nei naikno teure. Nu thosei chaghi ghami ghehati nei thosei fanograni u nabrou te mala tei naiknore te mala fafara ka Lord na eghu.”

Eksodas 8:32

mae king neke maku fapulo nagnafagna na neke theome snakredi naiknore.

Ululahu Samuel 6:6

Tahati mala theome thufu jateula king gna Ijep baludi nogna naiknore tifa ra eghu. Tahati theome mala ghatho ihoni puhi God teke paradi mare teke ghilei snakredi naiknodi Israel mala jifla ka nodi kantri na.

Proveb 26:11

Mae te fameomekro teke eni fapulo puhi fameomekro na, jateula khuma teke figri teke ghamu gluꞌagna thegna ra eghu kolho.

Ululahu Samuel 6:3

Aonu mae pris nei mae kastom teu igre ne cheke eghu, “Jame teke hata fapulo tahati Bokis Blahi igne na, tahati na fatei kaisei namha balugna, eghume tahati na poloru ka nodi God mae Israel igne. Theome tangomana te fiti hata fapulo kolho tahati na, tahati mala fatei kaisei glepo balugna, eghuteuna tahati ginauna tangomana na teke keli fapulo na. Eghuteuna tahati ginauna na lasenila naugna unha neku neke goigoni ghita nga teuna.”

Ululahu Samuel 6:9

Eghuteuna ghotilo filo fakeli ka repa mala laseni jame hata doglo te tei repa Bokis Blahi igne ka namono Bet-Semes ka nogna kantri na. Jame te eghuna, tuana gaoghatho teke au ka Lord te mala goigoni ghita tahati na. Nu jame theome doglo te tei repa ka vido tuana na, nodi God mae Israel gre neke theome kuru meini puhi biꞌo igne ka tahati.”

Ululahu Samuel 6:12

Gnafa teuna, phei buluka igre ne funu nolo, nu repa ne theome tei tafri. Repa leghuni nabrou na doglo ne tei Bet-Semes. Eghuteuna kate nolo te tei na, repa eha ne tei. Eghuteuna glima king di Filistia igre leghudi repa ne ghilei tei posa ka nohigna namono Bet-Semes.