Eksodas 8:12 - Buka Blahi Ka Cheke Holo

¹² Aonu ke leghugna te jifla mae Moses ghe mae Eron ka sugagna mae king na teke pulo na, mae Moses ne tarai ka Lord eidi u groma teke kuru mei mana teke parani mae king igre mala tei reꞌe delei.

Eksodas 8:12 ပူးပေါင်းရင်းမြစ်များ

Profet Esikiel 36:37

Lord God neke cheke eghu, “Iara ginauna snakredi naiknodi Israel ra mala tore ka iara mala toghodi. Eghuteuna iara ginauna toghodi mare mala kmana nei vuragha eghu jateula kaisei bukrei sipu eghu.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Eksodas 10:18

Aonu phia mare ne jifla ka sugagna mae king na ne tei tarai ka Lord.

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Eksodas 8:30

Aonu mae Moses ne jifla mei ka sugagna mae king na ne tei tore ka Lord mala kuru teidi khare te gnafa igre.

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Eksodas 8:13

Aonu Lord ne nomhini nogna tharai mae Moses na ne eni unha teke toreni mana na. Eghuteuna groma teke au ke lamna suga, ba kau glalaba nei kau nagare teure ne kafe lehe ne hui.

Nodi Khoje Hatimare Mae Jiu 105:31

Lord na cheke kolho, eghuteuna khakaramahe nei khare teure ne fodu ka vido te gnafa ka kantri tuana.