Eksodas 8:11 - Buka Blahi Ka Cheke Holo

¹¹ Ghotilo ginau na theome filodi groma igre aheva nga ka sugamu iagho na, ba ka sugadi hatimare nou mae funei nei naikno teu iagho are eghu, nu jare ka Khoꞌu biꞌo Nael kolho.”

Eksodas 8:11 ပူးပေါင်းရင်းမြစ်များ

Eksodas 8:9

Mae Moses ne cheke eghu ka mae king, “Uve, tuana thofno keli fara, iara magnahaghei nigho iagho te lilisei kaisei narane te mala tarai di iara groma gre te mala thosei ke mei au ka sugamu iagho gne, nei sugadi hatimare nou mae funei nei naikno teu iagho gre eghu, mala tei au kolho jare ka Khoꞌu biꞌo Nael.”

Eksodas 8:3

Cheke faheta ranghini mae king, Khoꞌu biꞌo Nael ana ginau fodu ka groma, eghuteuna funu jare na reꞌe ginau fodu ka suga biꞌo mana na ghilei tei fodu ka chogho te mala thuru mana na. Nei na jaola tei ruma ka nodi suga hatimare nogna mae funei nei naikno teu mana re. Groma igre ginau na ruma ka nomi biti nei gobigna lepo te mala ima ghotilo are eghu.

Eksodas 8:13

Aonu Lord ne nomhini nogna tharai mae Moses na ne eni unha teke toreni mana na. Eghuteuna groma teke au ke lamna suga, ba kau glalaba nei kau nagare teure ne kafe lehe ne hui.

Eksodas 8:12

Aonu ke leghugna te jifla mae Moses ghe mae Eron ka sugagna mae king na teke pulo na, mae Moses ne tarai ka Lord eidi u groma teke kuru mei mana teke parani mae king igre mala tei reꞌe delei.

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Eksodas 7:13

Mae king filoni igne ne famamhaku u nagnafa gna na jateula teke chekeni Lord ia neu ne tirogna fanomho ka mae Moses ghe mae Eron.

Eksodas 7:14

Aonu Lord ne cheke eghu ka mae Moses, “Mae king na thofno maku fara tutuani nagnafagna na, mana na theome tangomana te snakredi naiknodi Israel gre te jifla agne Ijep na.