Eksodas 8:10 - Buka Blahi Ka Cheke Holo

¹⁰ Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Eksodas 8:10 ပူးပေါင်းရင်းမြစ်များ

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Ululahu Kronikols 17:20

“Lord, iagho thofno haghe fara! Theo kaisei jateula iagho teuna. Ghehati nomhini ka kuꞌemi ra te kaisei iagho ngala God na.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Proveb 27:1

Iagho thosei cheke fahaehagheni unha nate eni iagho nathuꞌu na, iagho theome laseni unha nate thoke mei ginauna.

Nodi Khoje Hatimare Mae Jiu 83:18

Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Eksodas 8:9

Mae Moses ne cheke eghu ka mae king, “Uve, tuana thofno keli fara, iara magnahaghei nigho iagho te lilisei kaisei narane te mala tarai di iara groma gre te mala thosei ke mei au ka sugamu iagho gne, nei sugadi hatimare nou mae funei nei naikno teu iagho gre eghu, mala tei au kolho jare ka Khoꞌu biꞌo Nael.”

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?