Eksodas 7:20 - Buka Blahi Ka Cheke Holo

²⁰ Aonu mae Moses ghe Eron ne leghudi unha teke chekeni Lord na ne edi glepo igre ke ulugna mae king nei hatimare mae biꞌo. Mae Eron atha khodo na ne puphuri ka Khoꞌu biꞌo Nael na, eghuteuna u khoꞌu na ne figri neke vuhai dadara.

Eksodas 7:20 ပူးပေါင်းရင်းမြစ်များ

Nodi Khoje Hatimare Mae Jiu 105:29

Aonu, mana figri khoꞌu na neke vuhai dadara, eghuteuna ghedi sasa teke au ka khoꞌure ne kafe lehe.

Nodi Khoje Hatimare Mae Jiu 78:44

God neke figri kho'ure neke vuhai dadara, mala theome koꞌu naiknore.

Thakle 8:8

Aonu fapea engel na ne ifu nogna khufli na. Eghuteuna kaisei glepo jateula kaisei thogele biꞌo te nhako ka khaꞌaghi, ne tei khoko lamna nhorora. Eghuteuna kaisei vido biꞌo gna nhorora na ne vuhai dadara,

Eksodas 4:9

Nu jame eni iagho fapea kofubobhoi igne, eghuteuna theome fatutuani nei theome fanomho ka nou cheke iagho re teuna, iagho ginauna hata katha khoꞌu ka Khoꞌu biꞌo Nael, eghuteuna tofa soru ka glose na. Khoꞌu igne ginauna vuhai dadara kate tofa soru iagho ka glose na.”

Eksodas 7:21

Sasa te gnafa te au ke lamna khoꞌu re ne kafe lehe ne siri ne apo. Eghuteuna naiknore ne theome tangomana te koꞌu ka khoꞌu na. Eigna u dadara na ikotongana heva heva Ijep.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Eksodas 7:6

Aonu, Moses ghe Eron ne eni unha Lord teke chekeni mala eni phiamare teku na.

Eksodas 7:10

Aonu Moses ghe Eron tei ka king baludi nogna mae biꞌo mana re, ne edi unha teke chekedi Lord ka phiamare. Eron ne koko soru nogna khodo pari ke uludi mare, eghuteuna khodo igne neke vuhai mogo.