Eksodas 7:19 - Buka Blahi Ka Cheke Holo

¹⁹ Aonu, Lord na neke cheke eghui ka mae Moses, “Iagho nake cheke ka mae Eron mala loku haghe mana nogna khodo na ke kligna khoꞌu. Eghuteuna khoꞌu biꞌo te gnafa, jari te gnafa, grano te gnafa nei kholo te gnafa teu te au heva te heva ke lamnagna kantri Ijep na te ghilei posa ka baket nei botol teure ne kafe vuhai dadara.”

Eksodas 7:19 ပူးပေါင်းရင်းမြစ်များ

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 14:26

Aonu Lord ne cheke eghu ka mae Moses, “Tusu lao sagho khamemu na ka thongna gno mala ke pulo mei thongna na mala thafru mae soldia di Ijep are balu nodi chariot nei hose eghu.”

Eksodas 10:21

Ke leghugna igne Lord ne cheke eghu ka mae Moses, “Tusu haghe khamemu na kligna, eghuteuna u gromno biꞌo te thuta te naba te mala haboni ka khame na ginau na soru mei toku tafruni Ijep.”

Eksodas 10:12

Ke leghugna igne, Lord ne cheke eghu ka mae Moses, “Tusu haghe khamemu ana ke kligna Ijep, eghuteuna cheche are ginau na mei. Eghuteuna u cheche igre ginau ghamu fateo khakladi unha teu te gnafa teke theome fadidiꞌa ka nakhete thina ra.”

Eksodas 8:16

Aonu Lord neke cheke eghui ka mae Moses, “Iagho tei cheke ka mae Eron mala atha haghe mana nogna khodo na mala puphuri ka glose na. Eghuteuna gaughavu glosegna Ijep gne ginau figri nake vuhai khakaramahe.” Phiamare leghuni chekegna Lord na ne eni igne.

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Jenesis 1:10

God ne kiloni glose te moja igne “Moumolu” eghuteuna khoꞌu te salo fodu te kaisei ngala igre mana ne kiloni “Thongna.” God ne filoni glepo te keli igne ne glealeꞌa fara.

Eksodas 4:9

Nu jame eni iagho fapea kofubobhoi igne, eghuteuna theome fatutuani nei theome fanomho ka nou cheke iagho re teuna, iagho ginauna hata katha khoꞌu ka Khoꞌu biꞌo Nael, eghuteuna tofa soru ka glose na. Khoꞌu igne ginauna vuhai dadara kate tofa soru iagho ka glose na.”

Eksodas 14:16

Eghuteuna atha nou khodo ana mala tusu lao ke kligna thongna, eghuteuna thongna gne ginau na fnota pea mala tei kasa mae Israel gre kate khapra fari hoteidi phei gringni khoꞌu te au ka phei philedi are.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Profet Isaia 19:10

Naikno te lase eꞌei pohe baludi nodi mae glokura, ginauna diꞌanagnafa fara.