Eksodas 7:17 - Buka Blahi Ka Cheke Holo

¹⁷ Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Eksodas 7:17 ပူးပေါင်းရင်းမြစ်များ

Eksodas 4:9

Nu jame eni iagho fapea kofubobhoi igne, eghuteuna theome fatutuani nei theome fanomho ka nou cheke iagho re teuna, iagho ginauna hata katha khoꞌu ka Khoꞌu biꞌo Nael, eghuteuna tofa soru ka glose na. Khoꞌu igne ginauna vuhai dadara kate tofa soru iagho ka glose na.”

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Profet Esikiel 39:28

Aonu nogu naikno iara re ginauna thofno laseni te iara Lord, nodi God mare. Mare ginauna laseni puhi igne, naugna iara neke snakredi naoka re mala huhurudi mala lisei faleghu nodi glose re mala tei au ka keha kantri te khaba fara. Nu iara ginauna hatadi mare gnafa mala ke kafe pulo mei ka nodi glose re, eghuteuna iara ginauna theome lisei faleghu kaisei ka mare.

Profet Esikiel 38:23

Ka puhi igne, iara ginauna fakakhana ka kantri te gnafa igre te blahi nei au nolaghi teu iara na, eghuteuna mare ginauna laseni te iara Lord.”

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Thakle 11:6

Phei mae igre au nodi nolaghi te mala fothini maloa gne te mala theome soru mei nakhete kate toutonuni teu phiamare chekegna God na. Eghuteuna phiamare jaola au nodi nolaghi te mala figri khoꞌu na teke vuhai dadara na. Phiamare au nodi nolaghi te mala kuru meidi thua nafnata papara ka nauthoglu igne. Phiamare tangomana te eni igne niha fata phiamare te magnahagheni na.

Thakle 8:8

Aonu fapea engel na ne ifu nogna khufli na. Eghuteuna kaisei glepo jateula kaisei thogele biꞌo te nhako ka khaꞌaghi, ne tei khoko lamna nhorora. Eghuteuna kaisei vido biꞌo gna nhorora na ne vuhai dadara,

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Profet Daniel 5:21

Naiknore neke khi fajiflani mana ka nogna suga na. Aonu gaoghathogna mana na jateula gaoghathodi glepo te tautagu ka namhata are eghu. Mana neke au balu dongki neke ghamu buburu jateula buluka neku. Eghuteuna mana neke thuru fabrahu farihotei glalaba, neke soru mei nakhete bongiro na ke kligna na. Mana neke au fabrahu jateula igne neku neke ghilei thoke mei narane te filo glani mana God mae ihei te fnakno kligna na, nei mae ihei te funei frunidi naikno te gnafa ka nauthoglu igne. Eghuteuna God na tangomana te vahini mae ihei te nabagna te mala king frunidi namono igre.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Profet Esikiel 32:15

Ka narane tuare nou namono iagho igne ginauna diꞌa eghuteuna theo kaisei glepo nate au tagna na. Eghuteuna iara ginauna aknu falehe gnafa iheire te au ka vido igne. Eghuteuna ghotilo te gnafa na ginauna thofno laseni te iara Lord.’

Profet Esikiel 30:19

Ka puhi igne iara ginauna parani Ijep, mala thofno laseni mare te iara Lord.’ ”

Profet Esikiel 30:8

Iara ginauna gnubra khaꞌaghi kantri Ijep, eghuteuna ihei te toghodi naikno ka kantri igne ginauna kafe lehe hui. Ka narane tuana, naiknodi Ijep ginauna thofno laseni te iara Lord.

Profet Esikiel 29:9

Uve, Ijep gne ginauna na kaisei namono nagou kolho, eghuteuna theo kaisei naikno nate au tagna na. Eghume mare ginauna thofno laseni te iara Lord. “ ‘Iagho cheke eghu, “Khoꞌu biꞌo igne nogu iara! Iara neke eni malagu thegu!”

Nodi Khoje Hatimare Mae Jiu 105:29

Aonu, mana figri khoꞌu na neke vuhai dadara, eghuteuna ghedi sasa teke au ka khoꞌure ne kafe lehe.

Nodi Khoje Hatimare Mae Jiu 83:18

Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.

Nodi Khoje Hatimare Mae Jiu 78:44

God neke figri kho'ure neke vuhai dadara, mala theome koꞌu naiknore.

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Ululahu Kings 20:28

Aonu mae profet tei ne cheke eghu ka King Ehab, “Igne unha te chekeni Lord na: ‘Te ghathoni mae soldia di Siria igre na, iara gne God gna thogele kolho, theome God gna sare. Eghume, neuba mare ne kmana fara, iara ginauna snakre ari ka khamemu iagho armi biꞌo igne. Eghuteuna iagho ginauna laseni te Iara Lord.’ ”

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Eksodas 7:20

Aonu mae Moses ghe Eron ne leghudi unha teke chekeni Lord na ne edi glepo igre ke ulugna mae king nei hatimare mae biꞌo. Mae Eron atha khodo na ne puphuri ka Khoꞌu biꞌo Nael na, eghuteuna u khoꞌu na ne figri neke vuhai dadara.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Profet Esikiel 25:17

Iara ginauna paradi naikno igre mala ke tughu fapulo glepo te diꞌa teke edi mare igre, mala haimini mare nolaghi te diꞌatagu iara na. Eghuteuna kate paradi iara na mare ginauna laseni te iara Lord God.’ ”

Profet Esikiel 32:6

Eghuteuna iara ginauna snakreni dadaramu iagho na mala thofa tei ke kligna thogele, eghuteuna glogu igre ginauna fodu salaꞌui ka dadaramu iagho.