Eksodas 7:10 - Buka Blahi Ka Cheke Holo

¹⁰ Aonu Moses ghe Eron tei ka king baludi nogna mae biꞌo mana re, ne edi unha teke chekedi Lord ka phiamare. Eron ne koko soru nogna khodo pari ke uludi mare, eghuteuna khodo igne neke vuhai mogo.

Eksodas 7:10 ပူးပေါင်းရင်းမြစ်များ

Eksodas 4:3

Lord ne cheke eghu, “Koko soru pari.” Aonu Moses ne koko soru khodo igne pari, eghuteuna khodo igne megei nga ne vuhai mogo, eghuteuna Moses filoni mogo igne ne rikha.

Luku 10:19

Fanomho fakeli ghotilo ia. Iara la tusu arihi ka ghotilo nolaghi te mala tangomana ghotilo te tapla ke klignadi mogo te faghughumhu nei khafrasege, mala theome kabru ghotilo. Eghuteuna iara la tusu arihi ka ghotilo nolaghi biꞌo te uluni fara ghotilo nogna nolaghi noda naoka tahati mae Satan. Eghuteuna ginauna na theo kaisei glepo nate fakabru ghami ghotilo na.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Profet Emos 9:3

Neuba mare ne haghe poru tafri ke kligna Thogele Kamel, iara ginauna tei hirodi mala ke hata fapulodi. Eghuteuna neuba mare ne jufu pari ne tei poru pari ka khotogna nhorora gno, iara ginauna cheke faheta ka mogo biꞌo te au ka khotogna nhorora na mala ghamudi mare.

Eksodas 7:9

“Moses, jame king tore ghami ghopa mala eni kaisei kofubobhoi, iagho cheke ka Eron mala koko soru nogna khodo na ke ulugna mae king, eghuteuna khodo igne ginauna nake vuhai mogo.”

Eksodas 7:15

Hamerane nathuꞌu na mae king ginau tei ka Khoꞌu biꞌo Nael, eghume iara magnahaghei nigho iagho te tei thafoni mana jare. Iagho atha mei balumu nou khodo teke vuhai mogo ia.

Nodi Khoje Hatimare Mae Jiu 135:9

Mana jaola neke edi kofubobhoi nei fagaglana eghu jare Ijep mala parani nodi mae king mare na nei nogna mae biꞌo te gnafa mana re.

Eksodas 7:6

Aonu, Moses ghe Eron ne eni unha Lord teke chekeni mala eni phiamare teku na.

Eksodas 7:20

Aonu mae Moses ghe Eron ne leghudi unha teke chekeni Lord na ne edi glepo igre ke ulugna mae king nei hatimare mae biꞌo. Mae Eron atha khodo na ne puphuri ka Khoꞌu biꞌo Nael na, eghuteuna u khoꞌu na ne figri neke vuhai dadara.

Eksodas 12:28

Eghume, ke leghugna igne naiknore kegra haghe ne tei eni unha teke chekeni Lord ka mae Moses ghe mae Eron na.