Eksodas 6:26 - Buka Blahi Ka Cheke Holo

²⁶ Eron ghe Moses igre Lord neke cheke eghu ka phiamare, “Ghopa mala batudi naiknodi Israel igre mala jifla agne Ijep.”

Eksodas 6:26 ပူးပေါင်းရင်းမြစ်များ

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 6:13

Aonu Lord ne cheke ka Moses ghe Eron eidi naiknodi Israel nei mana cheke ranghini king gna Ijep. Eghuteuna Lord cheke ka Moses ghe Eron mala batu fajifladi naiknodi Israel igre Ijep.

Naba 33:1

Igne thoutonu eigna nodi theitei naiknodi Israel ka teke jifla mare funu Ijep ke parigna nodi baubatu mae Moses ghe mae Eron.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Ululahu Kronikols 6:3

Mae Amram neke au thilo thugna, phei nalhaꞌu nei kaisei gaꞌase, nanghadire, mae Eron, mae Moses nei Miriam. Mae Eron neke au fati thugna nalhaꞌu, nanghadi fati mae igre neke mae Nadab, mae Abihu, mae Eleasa nei mae Itama.

Ululahu Samuel 12:8

“Tifa na, kuꞌeda Jekop balu tharaknagna neke tei au Ijep. Ke leghu na, naikno di Ijep re neke fakokhoana di kuꞌeda teke karha mei ka tharaknagna mana ra. Aonu mare neke tanhi lao ka Lord mala toghodi, eghuteuna mana neke kurudi mae Moses ghe mae Eron mala tei hata fajifladi Ijep. Phiamare batudi mare neke ghilei mei au ka namono igne.

Ululahu Samuel 12:6

Mae Samuel ne cheke eghu, “Eigna Lord ngala teke vahidi mae Moses ghe mae Eron teke batu fajifladi kuꞌeda tahati Ijep tifa ra.”

Josua 24:5

“ ‘Ke leghu na, iara neke kurudi Moses ghe Eron neke tei Ijep, eghuteuna iara snakre mei puhi biꞌo mala thokedi naikno te au ka kantri tuana. Eghuteuna iara batudi kuꞌemi ghotilo ra mala jifla Ijep.

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Eksodas 13:18

Aonu God ne batudi mare ne lithui fei namono nagou na ne mei posa ka Thongna Ukru na baludi nodi glepo te mala magra re.

Eksodas 6:20

Amram neke tolaghi ka Jokebed, greghagna kmagna mana. Repa au phei thudi nalhaꞌu, Eron ghe mae Moses. Amram karha ne posani kaisei gobi tolufulu fitu finogha neke lehe nga.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Jenesis 2:1

Aonu God ne loku ne gnafa maloa ghe nauthoglu gre baludi gobigna lepo te gnafa te au ke lamnadi.