Eksodas 6:23 - Buka Blahi Ka Cheke Holo

²³ Eron neke tolaghi ka Eliseba thugna gaꞌase Aminadab greghagna Nason. Eghuteuna Eron ghe Eliseba ne au fati thudi nalhaꞌu, Nadab, Abihu, Eleasa, nei Itama.

Eksodas 6:23 ပူးပေါင်းရင်းမြစ်များ

Naba 2:3

Mae ka vikegna Juda, vikegna Isaka, nei vikegna mae Sebulun re mala edi haghe nodi suga thapuale re file maghati, baludi nodi flagi re. Mare mala au ka nodi kokholo thedire, baludi mae nodi lida na. Ka vikegna Juda, mae lida mare na mae Nason, thugna mae Aminadab. Khaputudi mare re ne thokei fitu salei fati thogha namno gobi. Eghuteuna vikegna Isaka re mala au rhedi vikegna mae Juda. Eghuteuna mae lida ka vikegna mae Isaka re mae Netanel, thugna mae Sua. Khaputudi mare te gnafa na thokei glimafulu fati thogha fati gobi. Ka keha phile na, vikegna Sebulun te mala au tagna na. Eghuteuna mae lida mare na mae Ehab, thugna mae Helon. Khaputudi mare te gnafa na ne thokei glimafulu fitui thogha fati gobi.

Ululahu Kronikols 6:3

Mae Amram neke au thilo thugna, phei nalhaꞌu nei kaisei gaꞌase, nanghadire, mae Eron, mae Moses nei Miriam. Mae Eron neke au fati thugna nalhaꞌu, nanghadi fati mae igre neke mae Nadab, mae Abihu, mae Eleasa nei mae Itama.

Ululahu Kronikols 2:10

Mae igre teke karha mei ka vikegna mae Ram: Mae Ram gne kmagna mae Abinadab, eghuteuna mae Abinadab gne kmagna mae Nason, kaisei mae biꞌo ka vikegna mae Juda.

Naba 1:7

Eghuteuna ka vikegna mae Juda, nodi lida mare na mae Nason, thugna mae Aminadab.

Matiu 1:4

mae Ram na neke kmagna mae Aminadab; mae Aminadab na neke kmagna mae Nason; mae Nason na neke kmagna mae Salmon;

Naba 20:25

Eghume iagho ginauna athani mae Eron nei mae thugna Eliesa na eghu mala haghe ka thogele Hor.

Eksodas 24:9

Ke leghugna igne, mae Moses, mae Eron, mae Nadab, mae Abihu nei fitusalei nodi mae funei hatimare mae Israel igre eghu ne haghe ka thogele na, ne filoni nodi God mae Israel igne. Ke paridi ghahegna God igre au kaisei glepo te jateula thina tataba te klino fara jateula maloa teu fifilogna na, famane thina igne mare kiloni “safa”.

Eksodas 24:1

Ke leghugna te tusu lao vetula igre ka naiknore, Lord ne cheke eghu ka mae Moses, “Iagho mei ka iara ka thogele igne. Iagho atha balumu mae Eron, nei phei thugna mana ra eghu, mae Nadab ghe mae Abihu ra, nei fitusalei nodi mae funei mae Israel ra eghu. Mare mala mei au fakhabau agne katha vido mala pogho soru ranghi ghau iara,

Luku 1:5

Kate kegra funei mae King Herod Israel na, jare kaisei mae pris nanghagna na mae Sekaraea au ka narane tuana. Mana kaisei mae ka tothoghei mae pris te kiloi mae Abia. Khetogna mana na nanghagna Elisabet, naꞌa jaola neke kaisei naikno ka vikegna mae pris Aron.

Levitikas 10:12

Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Levitikas 10:6

Mae Moses ne cheke eghu ka mae Eron baludi phei thugna mana igre, mae Eleasa ghe mae Itama, “Ghotilo thosei fakakhana te diꞌanagnafa ghotilo ka glehedi phia mae igre, eigna ghotilo mala thosei pore, ba rerheku nomi pohere. Jame te eghu ghotilo na, Lord ginauna diꞌatagna na falehe ghami ghotilo. Nu kherami te gnafa ghotilo Israel igre tangomana te tanhidi phia mae te lehe ka khaꞌaghi teke kuru mei Lord igne.

Naba 20:28

Kate thoke lao mare ka thogele na, mae Moses ne atha koko pohe te fahaghe mae Eron re ne fahaghe lao ka mae Eleasa. Mae Eron ne lehe jare ka thogele na, aonu mae Moses ghe mae Eleasa neke pulo nodi.

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.