Eksodas 6:12 - Buka Blahi Ka Cheke Holo

¹² Nu Moses ne kegra ke ulugna Lord ne cheke eghu, “Nu iara theome lase cheke fakeli. Jame te tirodi fanomho naiknodi Israel igre ka iara na, faꞌunha eghu king igne fanomho ka iara? Eigna iara gne theome lase cheke!”

Eksodas 6:12 ပူးပေါင်းရင်းမြစ်များ

Eksodas 4:10

Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Profet Jeremaea 1:6

Aonu iara ne cheke eghu, “Nu Lord God, iara mae majaghani fara. Iara theome raꞌe lase cheke fakeli!”

Eksodas 6:30

Nu Moses kegra ke ulugna Lord ne cheke eghu, “Iara theome tangomana te eni igne! Iara theome lase cheke fakeli. Faꞌunha eghu king igne fanomho ka iara?”

Profet Jeremaea 6:10

Nu iara na cheke eghu, “Lord, ka ihei nate toutonuni iara na? Eghuteuna ihei nate fanomho ka chekegu iara na? Iara neke toutonuhi ka mare, nu mare tirodi fanomho neke fofotho khulidire. Mare jateula mae bongihehera eghu tirodi nomhini kaisei cheke te mei funu ka iagho na.

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Eksodas 6:9

Aonu Moses ne chekedi cheke igre ka naiknodi Israel, nu mare theome fanomho ka mana. Naugna gaoghathodire theome rheta ka gloku biꞌo naiknodi Ijep te huhuru te mala edi mare igre.

Eksodas 3:13

Moses ne cheke eghu, “Nu jame tei te cheke eghu iara ka naiknodi Israel, ‘Nodi God kuꞌeda tahati ra neke kuru mei ghau iara ka ghotilo,’ eghuteuna ghusna eghu mare ka iara, ‘Nu ihei nanghagna na?’ unha nate chekeni iara ka mare na?”

Profet Jeremaea 9:26

Tutuani, naiknodi Ijep, nei naiknodi Juda, nei naiknodi Idom, nei naiknodi Amon, nei naiknodi Moab, nei iheire te au ka namono nagou te leghuni puhi kastom na te kuchi fakmoꞌei khakla ka greredi re igre, neubane vahehi thinidire, nu mare jateula naikno te theome vahe ra eghu leghuni puhi te diꞌa na. Eghuteuna neubane mae Israel tela vahehi igre, nu puhidire jateula naikno bongihehe te theome vahe ra eghu fara, eghuteuna mare theome tajini nodi nhaꞌa cheke teke eni mare balugu iara na.” Igne chekegna Lord.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Diutronomi 30:6

Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Eksodas 3:11

Nu Moses ne cheke eghu ka God, “God, iara theome nabagu te tei kegra ke ulugna mae king te mala atha naiknodi Israel te mala jifla Ijep na, theo fara.”

Eksodas 4:1

Moses ne toreni Lord ne cheke eghu, “Faꞌunha eghu jame te tirodi fatutuanidi nogu cheke iara re, ba tirodi fanomho ka iara na? Eghuteuna jame te cheke eghu mare ka iara na, ‘Iagho chaghi! Lord na theome mei kolho ka iagho!’ Jame te eghu na, unha nate chekeni iara ka mare na?”

Eksodas 6:13

Aonu Lord ne cheke ka Moses ghe Eron eidi naiknodi Israel nei mana cheke ranghini king gna Ijep. Eghuteuna Lord cheke ka Moses ghe Eron mala batu fajifladi naiknodi Israel igre Ijep.