Eksodas 6:1 - Buka Blahi Ka Cheke Holo

¹ Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Eksodas 6:1 ပူးပေါင်းရင်းမြစ်များ

Eksodas 12:33

Naiknodi Ijep re ne thono huhurudi fara naiknodi Israel re mala faghose jifla Ijep. Mare ne cheke eghu, “Jame te theome faghose jifla ghotilo na, ghehati gne ginau na lehe!”

Nodi Khoje Hatimare Mae Jiu 136:12

Mana hata fajifladi ka nogna nolaghi te biꞌo fara. Mana ne namha ghita tahati tifa tifa.

Eksodas 12:39

Mare theo kaisei vido te snagla te mala kaikaliti ghedi na, naugna mae Ijep gre ne ghosei ne kuru fajifladi. Nu mare puipukhi flaoa te theo isi gna na ngala te kuki te eꞌei bret na.

Eksodas 12:31

Ka bongi tuana la mae king ne kilodi mae Moses ghe mae Eron ne cheke eghu ka phiamare, “Phiamae, te cheke ghami iara na ghopa atha naiknodi Israel are mala jifla agne Ijep gognaro la! Lisei faleghu au nogu naikno iara re! Jateula teke toreni themi ka iara ia eghu tei tarai ka Lord!

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Eksodas 11:1

Kate thafru nga teu Ijep ka gromno igne na, Lord ne cheke eghu ka mae Moses, “Iara ginau na falaseni ghu mae king nei nogna naiknore eghu ka nau papara leghu lahu igne. Ke leghugna te eni iara igne sini ame kafe brue fajifla ghami nga mae king ka vido te au ghotilo igne eghu.

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Fapea Kings 7:19

Tifeiro na nogna ofisa king na neke cheke eghu ka Elisa, “Iagho chaichaghi! Neuba Lord ne tothora maloa gne ne tofa soru gano gna kligna na, foli gna gano na ginauna theome soru.” Nu mae Elisa neke cheke eghu ka mana, “Iagho ginauna filoni igne ka tathamu themu na, nu iagho ginauna theome tangomana te ghamuni kaisei glepo ka gano igre.”

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Mae Khuru 13:17

Nodi God mae Israel gre neke vahidi mae kuꞌeda tifa ra mala bruara ka namono Ijep. Eghuteuna mana neke hata fajifladi Ijep ka nogna nolaghi te biꞌo.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Eksodas 13:16

Ghehati eni igne mala ke ghatho fapuloni Lord teke atha fajifla ghami Ijep te batu mei ghami agne ka nogna nolaghi na. Puhi igne jateula kaisei tuthuana eghu ka khamemi nei ka greremi teu gre mala ghathoni fabrahu ka nagnafami re.”

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Nodi Khoje Hatimare Mae Jiu 12:6

Chekegna God na thofno tutuani fara, nei thofno keli fara eghu, jateula silva teke fitu fata gahu mare ka khaꞌaghi te famane klino ia eghu.