Eksodas 5:1 - Buka Blahi Ka Cheke Holo

¹ Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”

Eksodas 5:1 ပူးပေါင်းရင်းမြစ်များ

Eksodas 10:9

Mae Moses ne cheke eghu ka mana, “Ghehati te gnafa nate tei na! Uve, ghehati na atha balumi naikno majaghani, goro mae biꞌo, goro naikno biꞌo, mae sua nalhaꞌu nei sua gaꞌase, nomi sipu, nanigot nei buluka teu igre ngala, naugna ghehati magnahaghei te eni kaisei nakhapru biꞌo te mala kilo fnaknoni nomi Lord na.”

Mae Khuru 4:29

Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Eksodas 3:18

“Mae te mala baubatu ka naiknodi Israel igre ginauna fanomho ka cheke igne, eghuteuna iagho ginauna tei baludi mare mala cheke ka king. Ghotilo mala cheke eghu ka mana, ‘Lord, nomi God ghehati mae Hibru, la meihi ka ghehati, eghuteuna ghehati magnahaghei nigho iagho te snakre ghami te mala tei ka namono nagou nabagna thilo narane mala fafara ka mana.’

Ululahu Korin 5:8

Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Profet Esikiel 2:6

Maegna ka nauthoglu, neuba naiknore ne tirodi ghau iara, ba tirodi fanomho ka iagho, ba ghaoghatho fadiꞌa eimu iagho, nu iagho thosei mhaghu, ba mhaghudi nodi cheke mare re. Nu iagho ginauna na jateula te au teu baludi bukrei khafrasege ra eghu, ba gnokro hoteidi gnaro te fachuchuru ra eghu. Nu iagho thosei mhaghudi unha te chekedi mare re.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Eksodas 4:23

Eghuteuna iara neke kulu chekehi te iagho mala snakreni thugu iara na mala jifla ka namono igne, mala mei tufru soru ghau iara. Nu naugna iagho ne theome snakredi mare te mei na, iara ginauna aknu falehe thumu nalhaꞌu ululahu iagho na!’ ”

Eksodas 6:11

“Iagho tei cheke ka king mala snakredi mana naiknodi Israel igre mala jifla ka nogna kantri mana igne.”

Eksodas 6:27

Eghuteuna phia mae igre tei ne cheke ka king gna Ijep mala snakredi naiknodi Israel mala jifla tei ka nasnagla.

Eksodas 7:16

Iagho cheke eghu ka mae king, ‘Nomi Lord God ghehati mae Hibru gre na ne kuru mei ghau iara mala cheke ka iagho mala snakredi iagho nogna naiknore mala tei pogho soruni mana ka namono nagou gno. Nu iagho gne theome fanomho la ghilei posa ka narane gognaro gne eghu.

Eksodas 8:1

Aonu Lord neke cheke eghu ka mae Moses, “Tei cheke ka mae king gna Ijep, eigna iara magnahagheni mana te mala snakredi nogu naikno iara re mala pogho soru ranghi ghau iara.

Eksodas 8:20

Lord ne cheke eghu ka mae Moses, “Hamerane nathuꞌu na iagho ginau tei thafoni mae king ka nabrou gno, eigna hamerane nathuꞌu na mae king ginau tei ka khoꞌu gno. Iagho mala cheke eghu ka mana: ‘Igne unha te chekeni Lord na, mana magnahaghei nigho iagho te snakredi nogna naiknore mala tei pogho soru ranghini mana.

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Eksodas 7:2

Iagho cheke ka Eron gobigna lepo teke chekedi iara ka iagho ra, mala cheke lao mana ka king, mala snakredi mana naiknodi Israel igre mala jifla ka nogna kantri na.

Eksodas 8:16

Aonu Lord neke cheke eghui ka mae Moses, “Iagho tei cheke ka mae Eron mala atha haghe mana nogna khodo na mala puphuri ka glose na. Eghuteuna gaughavu glosegna Ijep gne ginau figri nake vuhai khakaramahe.” Phiamare leghuni chekegna Lord na ne eni igne.

Eksodas 8:17

Mae Eron ne atha haghe nogna khodo na ne puphuri ka glose na, eghuteuna u gaughavu glosegna Ijep na ne flalo haghe kligna ka maloa na neke vuhai khakaramahe igre ne funu fodu ne kathidi naikno nei buluka teure.

Eksodas 8:27

Theome tangomana! Teke chekeni Lord na ghehati mala tei ke lamnagna namono nagou na nabagna thilo narane ame fafara nga ka mana eghu neku, eghume, tuana te mala eni ghehati na eghu.”

Eksodas 9:1

Ke leghugna igne na, Lord neke cheke ka mae Moses mala tei cheke eghu mana ka mae king, “Nomi Lord God ghehati mae Hibru gre na ne cheke mei ka iagho mala snakredi iagho nogna naiknore mala tei pogho soru ranghini mana.

Eksodas 9:2

Jame te tirou fanomho iagho ka nogna cheke mana igre na,

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 10:4

Jame te theo iagho na, iara nathuꞌu na ginau kuru mei kmana cheche fara mala mei fodu ka nou kantri iagho igne.