Eksodas 40:34 - Buka Blahi Ka Cheke Holo

³⁴ Aonu nogna grokho biꞌo Lord na ne mei toku tafruni Suga Tapuale te Blahi te mala mei thafoni God, eghuteuna siasigla gna nogna nolaghi biꞌo Lord na ne fodu ka Suga Tapuale te Blahi igne.

Eksodas 40:34 ပူးပေါင်းရင်းမြစ်များ

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Fapea Kronikols 7:2

Eghuteuna hatimare mae pris theome tangomana te ruma ka nogna Sugablahi Lord na, naugna naphaegna nogna nolaghi Lord igne ne fodu ne salaꞌui ke lamnagna nogna Sugablahi Lord na.

Eksodas 29:43

Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Eksodas 14:24

Gagra pasa hamerane boibongi Lord na au neu ke lamna khoveo nei ke lamna khaꞌaghi neu ne filo soru ka mae soldia di Ijep gre, aonu maedi Ijep faꞌihodi ne rodi rikha.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Eksodas 33:9

Kate tei mana lamna suga tapuale na, kaisei khoveo soru mei au ka grengatha gna suga tapuale ikoi igne. Eghuteuna Lord tangomana te cheke mei ka Moses funu ke lamnagna khoveo igne.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Profet Hagae 2:9

Eghuteuna Sugablahi majaghani igne ginauna famane fara salaꞌuni Sugablahi ulu ia. Eghuteuna naiknore, ginauna au fakeli nei au ka pharikeli. Iara Lord te chekeni igne!”

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Profet Isaia 6:4

Eghuteuna kate khoje fabiꞌo eghu mare igne, iara ne haimini Sugablahi na ne nghali, eghuteuna iara ne filoni Sugablahi na te fodu ka gagahu.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Naba 7:89

Uve, leuleghu fata na mae Moses tei mala cheke balugna Lord ke lamnagna Suga tapuale te Blahi na, eghuteuna mana ne nomhini naoglagna Lord te cheke mei farihoteidi phei engel te toku tafru nogna Bokis Blahi Nhaꞌa Cheke Lord na.

Fapea Samuel 7:6

Iara theome au ka suga biꞌo. Theo. Funu ka narane teke hata fapulo iara Ijep naiknodi Israel tifa ra, iara au kolho ka suga tapuale ghilei mei posa ka narane gognarogne.

Profet Esikiel 10:4

Eghuteuna siasiglagna nogna nolaghi biꞌo Lord na ne tugha haghe funu ka engel igre, eghuteuna ke tugha tei ke kligna grengathagna Sugablahi na. Eghuteuna khoveo igne ne thafru Sugablahi na, eghuteuna nogna nolaghi biꞌo Lord na ne siasigla fabiꞌo fara ke lamnagna glalaba tuana.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Nodi Khoje Hatimare Mae Jiu 26:8

Lord, iara magnahagheni fara te au ka sugamu iagho na, ka vido aheva te au siasiglamu iagho na.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.