Eksodas 40:33 - Buka Blahi Ka Cheke Holo

³³ Mana fakegra haghe bara igne, eghuteuna mana fagefe haghe pohe brahu na ne lithui ka glalaba gna Suga Tapuale te Blahi igne nei Olta, eghuteuna mana fagefe haghe pohe biꞌo mala bobotho gna grengatha igne. Ka puhi igne, Moses ne loku fahui gloku te gnafa ka Suga Tapuale te Blahi igne.

Eksodas 40:33 ပူးပေါင်းရင်းမြစ်များ

Eksodas 40:8

Eghuteuna iagho fakegra haghe bara balu pohe brahu falithuini glalaba gna Suga Tapuale te Blahi na, eghuteuna fagefe haghe pohe biꞌo mala bobotho gna grengatha na.

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 12:12

Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 10:9

Iara gne jateula u grengatha eghu. Naikno te ruma mei ka iara na, mana ginauna tangomana te ludeni u vido te keli na. Eghuteuna mana ginauna tangomana nate ruma mei nei jifla teu kau nasnagla na. Eghuteuna mana ginauna ludedi u glepo te keli te malagna u nakarhagna na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Matiu 16:8

Aonu mae Jisas ne laseni unha te chekeni mare na ne cheke eghu, “Naugna unha site chekeni ghotilo ne theome hata keha bret teu gnea? Nu nomi fatutuani ghotilo na ikoi fara.

Profet Sekaraea 4:9

“Serababel thegna teke lilisei famamhaku gna Sugablahi igne, eghuteuna mana thegna ginauna jaola eni fagnafa gloku ka suga igne. Gognarona keha naiknore ghatho faparidi glepo ikodi te edi mae gloku re igre, naugna gloku igne thoghei kolho. Nu kate filoni mare mae Serababel te eni thina leghu lahugna Sugablahi igne te mala doglo na, naiknore ginauna glealeꞌa fara.” Aonu iara ne cheke eghu, “Serababel, kate edi te fagnafa glepo igre, iagho ginauna laseni Lord mae ihei te au nolaghi fateote'o igne mana kuru ari ghau iara ka ghotilo.” Aonu engel igne ne cheke tughuni nogu faghusna iara na ne cheke eghu, “Fitu juta igre jateula fitu tathagna eghu Lord, te filo ka vido te gnafa ka nauthoglu igne.”

Ululahu Kings 6:9

Eghume mare ne loku fahui Sugablahi igne. Mare horo ka thaba sida ke pari ka glamna gna suga na.

Naba 1:50

Nodi gloku vikegna mae Livae gre mala reireghini Suga Tapuale te Blahi igne baludi gobigna lepo te au ke lamnagna. Leuleghu fata na mare mala lisei haghe nodi suga tapuale re faligohoni Suga Tapuale te Blahi na, eghuteuna ghotilo ginauna na pala balumi Suga Thapuale te Blahi igne kate tei ghotilo ka keha vido re. Eghuteuna mae ihei nga ke kosigna vikegna mae Livae ne mei ke lamnagna vido te blahi igne, ghotilo ginauna faleleheni mae tuana.

Eksodas 39:32

Aonu, naiknodi Israel gre ne loku fahui gloku ka Suga Tapuale te Blahi te mala Thafoni God, eghuteuna mare edi gobigna lepo igre thofno leghuni unha teke chekeni Lord ka Moses.

Eksodas 40:32

Eghuteuna leuleghu fata na ihei te magnahaghei tei lamna ka Suga Tapuale te Blahi na ba te magnahaghei tei rhegna Olta na, leuleghu fata na mana mala titihi fagae khame gna nei ghahe gna teure ka khoꞌu igne, igne thofno leghuni unha teke chekeni Lord.

Ululahu Kings 6:14

Aonu mae Solomon ne loku fahui Sugablahi igne.