Eksodas 40:29 - Buka Blahi Ka Cheke Holo

²⁹ Mana atha Olta mala Gahu Fafara na ne lilisei ke kosi ke ulugna gna grengatha gna Suga Tapuale te Blahi na. Eghuteuna mana ne gahu kaisei buluka ne fafara eghuteuna mana jaola ne gahu flaoa te ngigno balu oel, igne thofno leghuni unha teke chekeni Lord.

Eksodas 40:29 ပူးပေါင်းရင်းမြစ်များ

Eksodas 40:6

“Eghuteuna iagho ginauna atha Olta mala Gahu Fafara na, mala nhaꞌa lao ke ulugna grengatha gna Suga Tapuale te Blahi te mala Thafo ghau iara.

Hibru 13:10

Mae Kraes ne snakreni thegna jateula kaisei fafara malada tahati. Nu iheire te leghuni fabrahu nodi vetula hatimare mae Jiu eigna u fafara na, mare theo kaisei nodi nolaghi te mala hata kaisei glepo te keli ka nogna fafara mae Kraes.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Matiu 23:19

Ghotilo mae dofu! Aheva gne te glepo ulu na, fafara ba olta? Olta igne te glepo ulu te mala fablahini fafara igne.

Eksodas 40:28

Mana atha pohe biꞌo mala bobotho grengatha gna Suga Tapuale te Blahi na ne fagefe haghe ka grengatha na.

Eksodas 40:30

Eghuteuna mana atha Dis Biꞌo teke eni ka bras igne ne nanhaꞌa fari hoteidi Olta ghe Suga Tapuale te Blahi na, eghuteuna mana toho fafodu ka khoꞌu dis igne mala titihi mae pris.

Fapea Kings 16:14

Mana tuthugha olta tiatifa teke horo ka bras igne ne tei au ke ulugna Sugablahi na. Tifa na olta igne neke au farihoteidi olta majaghani ghe Sugablahi, nu king ne tuthugha olta tiatifa igne ne tei au ke raru gna olta majaghani na.

Profet Esikiel 43:18

Lord God ne cheke eghu ka iara, “Maegna ka nauthoglu. Iagho fanomho ka nogu cheke iara Lord God igne: Kate loku te gnafa mare olta na, mare ginauna hata mei fafara te gahu te thofno krono fara, eghuteuna iagho ginauna toatofa dadaradi fafara ke kligna gna.

Levitikas 1:1

Lord au neu ka Suga tapuale te Blahi aheva mare te mala thafoni mana na ne ehani mae Moses.

Profet Esikiel 40:47

Mae igne ne fafaja glalaba ikoi te au rhegna Sugablahi na. Vido te gnafa re kafe glimafulu mita ngala. Olta na au farihotei ke ulugna nogna Sugablahi Lord te figri tei ke maghati.